Hmar Indigenous Peoples' Forum, Assam chun November ni 15 zing dar 10:30 khan Silchar Airport hmunah High Level Committee kan tuok a. Pathien zarin a hlawtling khawp el. Kumba le a sevle khuohai anthawkin Hmar mipui tam tak kan fekhawm a, HLC hai khawm an hlaw hlein kan hriet.
November ni 14 zan khan Kumba khuoah public meeting an ko a, Kumba khawtlangin. Chu program khawm chu kan va hmang ve a, Ni 15 program ding inbuotsai malamin. Kumba hi tuta Hmar Inpui President Pu El. Rejoy khuo a ni bawk a, HLC tuok ni khawm hin an hung rawn hle nih.
HIPF-Assam tieng mi 4 - Dr. Vanlallien Pulamte, Pu Lalringum Sanate, Pu James Lalnunsang le kei kan thang a. Chun hnam thuoitu tieng Hmar Inpui President Pu El. Rejoy le HSA BV JHQ President Tv. Lalmalsawm Thiek hai an thang ve.
Ring nek takin HLC chun welcome program ei lo siem chu an lawm a. Official taka inbiekna ni naw sien khawm, ei hnam chanchin tam tak ei intlun hman bawk a, chun hnam danghai thaw lo, nachang ei hriet kha a dangdai ve hle bawk.
Tags
Chanchin Lawrkhawm