To,
Tlangval Remthang
Vairama Um
Kawtsuoah, "U Rem, mi thuoi el ta rawh," ka ti ngawi ngawi lai khan nang chun, hunthawveng lem le khawsakna inhawi la nghak hri dingin i mi tiem lem a. Chel ding che tum lang khawm i thu chu sel chiah ka ruot ngam si nawh. Ei hun tawng mekah insuklungawi tumin, ka sungril sahal tak pum zing khan, "i thu thu ni raw seh," tiin ka tiem hnuhnaw ve ta che kha.
Mi lungtat a par a, zangkhuo a bungbu thei ngai a ni chun, U Rem, ei pahni ta ding hin tuifawn hun chu la um naw nim maw.... Ka ringna po po le hrietna zungzamhai sawmkhawmin nangah ringna kan nghat a. I kut lum chel a, kan thla che a hun tah ti hre zing sia ka la vawn tlat lai che khan, "Puii, i laka ka thutiem hi vawngthing nek tak chun tlo nalawm a tih," tia ka mitthli i nawt re kha, ka'n nghil nawh. En ta, i thu mi tiem hmaa inphun tah vawngthing khawm kan bathlar doin a la thang fan fan hi. Hienghai an ral hma khat chun lo nghak fan fan ka ti che.
I bengkhawn dinga inzawt nuom thu tam um sien khawm, ziekpuona hang namkai fai zo el ding a'n nawh. Hun hi a muongsawt vieuin ka hriet dea chu, Changer hapta tawp tak a lo ni zing el. Nang le kei ei suolna intlan dinga hung, van mi thienghlim piengchampha hmang dingin i hung bawk ding leh, hmaihmaa thutin lan hril lem dingin lo khawl lem ka tih. E, takluoah! i hung phaa kum hlui zan nuhnunga dingin kawl archal ka lo hla che. Siema le Tlani khawm fiel ei ta, inhawi ngawt a tih.
Suktawp ka tum zeta chu, A phurtu ding u Tlana khan, "I nuom zat zat ziek rawh, rik pha naw nih," a ti kha ka zuk hrietdawk thut a, a phurtu ding a'n huom tho bawk a. I sasempa khawm Thangtling leh an inzui nawk ta. U Kunga nu hril dan lem chun tuta an vawkchal hi fun 6 a tling huna innei tum an ni awm ie. Tuta i nu vawk vai khi that huna innei ve ding ni inla chu, favai indi kan hau thlawt. I mi tiem thei chun phur sari vel chu lo hang thak pek ka tih. Anachu, nang nghak le Mangkhuo inmawm ding an hril ang deu ei ni tah.
Tak takah, u Rem, ka zuk fiemthu vak che nih. Thu taka i lak khawma a pawi taluo ding a um chuong naw niin ka hriet. Pawi i ti vieu a, i mi thruoi nuom a ni lem chun hung el lem ka tih.
I bengkhawn dinga inzawt nuom thu tam um sien khawm, ziekpuona hang namkai fai zo el ding a'n nawh. Hun hi a muongsawt vieuin ka hriet dea chu, Changer hapta tawp tak a lo ni zing el. Nang le kei ei suolna intlan dinga hung, van mi thienghlim piengchampha hmang dingin i hung bawk ding leh, hmaihmaa thutin lan hril lem dingin lo khawl lem ka tih. E, takluoah! i hung phaa kum hlui zan nuhnunga dingin kawl archal ka lo hla che. Siema le Tlani khawm fiel ei ta, inhawi ngawt a tih.
Suktawp ka tum zeta chu, A phurtu ding u Tlana khan, "I nuom zat zat ziek rawh, rik pha naw nih," a ti kha ka zuk hrietdawk thut a, a phurtu ding a'n huom tho bawk a. I sasempa khawm Thangtling leh an inzui nawk ta. U Kunga nu hril dan lem chun tuta an vawkchal hi fun 6 a tling huna innei tum an ni awm ie. Tuta i nu vawk vai khi that huna innei ve ding ni inla chu, favai indi kan hau thlawt. I mi tiem thei chun phur sari vel chu lo hang thak pek ka tih. Anachu, nang nghak le Mangkhuo inmawm ding an hril ang deu ei ni tah.
Tak takah, u Rem, ka zuk fiemthu vak che nih. Thu taka i lak khawma a pawi taluo ding a um chuong naw niin ka hriet. Pawi i ti vieu a, i mi thruoi nuom a ni lem chun hung el lem ka tih.
Hun sien,
Siemrem
Tuikhur Veng
Tags
Thawnthu