Kum 1991 khan Hmar Martyrs' Day (Pasaltha Ni) hi Hmar hnamin a lo hmang tan a. Tu kum hi a vawi 32-na a ni tah. Kum tin inser a ni le ni naw ruok chu, hriet el thei a ni ta nawh. Hmarkhawlien (Cachar) bikah hin kum 1990 khan Hnam sipaihai huoihawtna hnuoiah an lo hmang niin an hril a, Cachar phairuoma ding chun a vawi 33-na ding a nih.
Kum 2 lai mumal taka inser a ni ta naw hnungin, Hmar Students' Association, Barak Valley Joint Headquarters chun, ursun le khunkhan taka inser tumin hma a lak a. General Secretary ka nina angin, rela um phursuokna kawngah, thaw ding a tam ngang el.
Thalaihai inhnikna Football hmanga Hmar hnam hmangaina, an lungrila tu ei tum leiin, Martyrs' Trophy ei hei sunzawm nawk a. Inkhel (Sports) hi a ropui tak naw a, ei thawna san chu, Martyr hai hre zing inla, ei nuomna lei a nih. Chuleiin, Team/Club/Khuo, Trophy inchunaa thanghaiin, Pasaltha famtahai hming an put seng dingin, ei ti bawk a. Thuawi taka a hnielkal zawnga tawng an um naw leiin, lawmum ei ti hle.
Barak Valley huomsunga Pasaltha le an sunghai zawngsuokna sin ei hei thaw bawk a. Kum 2015 laia thuoitu hmasahai lo thaw ta kha, sukburip theiin, hriet bel sap ei hei nei thei bawk leiin, lawm a um. May ni 16, Hmar Martyrs' Day hin, Ei biel sunga Pasaltha sung le kuo, ei hriet thei po chu, hmun pawimaw inhluo tir ei tum bawk a nih.
Kum 2022 Hmar Martyrs' Day Puola Banner Thenkhat:
Hmar Martyrs' Day chungchang thua ngaidan dang met met a um a, thudik tak chu hieng ang hi a nih. March 24, 1990 in Hmarkhawlien ah (L) Rev. Lalchanlien a In bawl thar ah CEC meeting in May 16 Lalhuoplien le Lienhmingthang hai thi Ni hi Hmar Martyrs' day a hmang ni hlak raw se a ti angin 1st Hmar Martyrs' day chu Hmarkhawlien LP School a hmang tan a ni a, Programme khawm hieng ang hin a nih.Conductor: Pu LT BuhrilHunser: Rev. Rosung sinateSolo: Nk. RemruotpuiSpeech: Pu Thansung, Pu KS HrangchalMartyr hai Chanchin: Pu H. SangthuomHuntawp tawngtai: Upa LalhmingthangHieng ang hi a nih Hmar Martyrs Day Tobul chu.
