Pathienin mihriem nun hi mawlmang takin a siem naw a. Theina (Talent/Specialization) a mi pek seng niin ka hriet. Keikhawm theina tam tak nei ve'n ka'n hriet a. A ieng tak him indertir ding chu hrietthiem harsa ka ti ve hlak.
Kum 12 ka nia inthawk thalai hlapawl keyboard hmangin ka thuoi ve thei a. Kum 15 ka niin perkhuong hmangin ka thuoi nawk. Inkhelna tieng High School inrawitu ka lo ni ve hlak bawk a. Ziek tieng ni sien, Chanchinbu, Magazine, Souvenir le platform dang dangah Hmar, English le Lusei tawngin ka ziek ve betbut ta bawk. Hieng theina Pathienin a mi pekhai hi sukpung ding bik tak ka hriet naw a. Inkhel chu ka bansan fel ta a; a dang hi chu sukpung pei ka tum a nih.
Mihriem hi mit khap kar chaua bohmang thei ei ni leiin, hi blog hi khawvel ka suoksan hnunga a mi ngainatuhai la hung hnemtu dinga ka maksan pek ding laia pakhat chu a nih. Chuleiin, DAMLAI LUNG ka puola ka daw ngei suonglung chu sakhming ZONIENG tiin ka ko a nih.
BUL TANNA : College final exam zo hlima inthawk khan ka thuziek mawlmang tak takhai siena ding, tiin blog ka hawng ve a. Facebook vela thu ka ziekhai chu, a sie a thra, a ziektu ta ding chun inpam a um vawng leiin kei ve khawm hin bohmang ta lo dinga sie ka nuom a. Chuongchun, ka puol lieu lieuin blog ka siem a. Inlar nuom leiin ka blog hi ka share ve ngai naw el bakah mi tiem le tiem naw ka buoipui naw a, ka thil sie him taka a um hin chu ka lung a awi vieu a nih.
Kum 12 ka nia inthawk thalai hlapawl keyboard hmangin ka thuoi ve thei a. Kum 15 ka niin perkhuong hmangin ka thuoi nawk. Inkhelna tieng High School inrawitu ka lo ni ve hlak bawk a. Ziek tieng ni sien, Chanchinbu, Magazine, Souvenir le platform dang dangah Hmar, English le Lusei tawngin ka ziek ve betbut ta bawk. Hieng theina Pathienin a mi pekhai hi sukpung ding bik tak ka hriet naw a. Inkhel chu ka bansan fel ta a; a dang hi chu sukpung pei ka tum a nih.
Mihriem hi mit khap kar chaua bohmang thei ei ni leiin, hi blog hi khawvel ka suoksan hnunga a mi ngainatuhai la hung hnemtu dinga ka maksan pek ding laia pakhat chu a nih. Chuleiin, DAMLAI LUNG ka puola ka daw ngei suonglung chu sakhming ZONIENG tiin ka ko a nih.
BUL TANNA : College final exam zo hlima inthawk khan ka thuziek mawlmang tak takhai siena ding, tiin blog ka hawng ve a. Facebook vela thu ka ziekhai chu, a sie a thra, a ziektu ta ding chun inpam a um vawng leiin kei ve khawm hin bohmang ta lo dinga sie ka nuom a. Chuongchun, ka puol lieu lieuin blog ka siem a. Inlar nuom leiin ka blog hi ka share ve ngai naw el bakah mi tiem le tiem naw ka buoipui naw a, ka thil sie him taka a um hin chu ka lung a awi vieu a nih.
Amiruokchu, nitin tiemtu an hung um ve det det phingleh, thlalak le thil dang dang, Hmar hnam thila la pawimaw thei dinga ka ngaihai ka sie sap pei ta a. Chuongchun, site burip ve tak a lo ni tah.
THILTUM : Social Media hieng Facebook, Whatsapp, Twitter, Instagram vel ei uor a. Thlalak ei post mur mur thei a. Chu lai zing chun, ei Hmar hnam thil hi Online Search Engine (Google) ah hmu ding a tam nawh. Hi blog ka siem hun kum 2016 lai hin website hieng :-
hai kutsuok naw chu hmu ding Hmar hnam thil online-ah a um naw nih. Chuleiin, Online/Internet google search engine ah nasa nawkzuola ei hnam thil a um theina ding beisei leiin, ka mimal thiltum el bakah blog ka'n hnikna pakhat a nih.
HRINGNUN BUNG THAR : Pathien zarin blog a'nthawk hin visitor 2000 khawm ka la nei hmain Google Adsense approval ka hmu a. Advertisement ka sie thei a, a hmingin ni khatah cheng (Rs) chu ka hlaw ve bawk hlak.
Blog le domain hosting chenin ka thaw pei ta a. Website trawng dang dang 3 lai zet ka enkawl ve a, ieng chen am ka sukhring thei ding chu leh!! Google Adsense account 2 ka nei bawk a. Chuonghai lei chun internet tieng hin kan hnik zuol pei a. Chun, tulai khawvelah mi tin internet boa ei khawsak thei tak naw leiin, internet hi fakzawngna khawpin a pawimaw tah niin ka hriet.
YouTube channel khawm iemani zat ka nei ta a. Channel puitling khawm 3 lai zet ka nei nghe nghe. Mani nuomzawng thaw a, tlawm-a-zawng hmu theia hun khawralna ding siem hi mihriem nuna thil pawimaw ve niin ka hriet.
Harsatna dang a um naw chun, ka hringnunah internet/blog/website/youtube hai hi kan tlawnpui zing ding niin ka ngai.
Hi blog ZONIENG hi ka hringnun thawnthu khawlkhawmna dinga buotsai a nih. Fiemthu du le val/pa ho angreng tak hi, buollei hnuoiah pil hnawng ela ka thamral hnungin, a la damhai kuomah thawnthu ngainuom la hlui ngei dingin ka ring.
YouTube channel khawm iemani zat ka nei ta a. Channel puitling khawm 3 lai zet ka nei nghe nghe. Mani nuomzawng thaw a, tlawm-a-zawng hmu theia hun khawralna ding siem hi mihriem nuna thil pawimaw ve niin ka hriet.
Harsatna dang a um naw chun, ka hringnunah internet/blog/website/youtube hai hi kan tlawnpui zing ding niin ka ngai.
Hi blog ZONIENG hi ka hringnun thawnthu khawlkhawmna dinga buotsai a nih. Fiemthu du le val/pa ho angreng tak hi, buollei hnuoiah pil hnawng ela ka thamral hnungin, a la damhai kuomah thawnthu ngainuom la hlui ngei dingin ka ring.