V.L. Bawia Songate le Lalrokung hin nau 13 zet, pasal 8 le nuhmei 5 an nei a. Pathien malsawmna tam tak dawngin, sungkuo lien tak an hung ni tung pei a. Ureng 13 lai hin pawl 10 (matric) mi 11 in an passed nghe nghe a nih. Amiruokchu, khawvel hi kumhlun ding ram a ni nawh a, "Pakhat khata fehmang peiin, an kiem hlak sungkuo tin reng" tia ei sak dup dup hlak angin, tu zet hin chu mi 8 chauh an dam ta a. Khawm chu mihriem hun tiem danin hun ler hmang an lo ni ta fur a. Kei, V.L. Bawia tuhai laia a mi lai pawl tak hin, kan sungkuo ka hei suikir chun khawsawtum ka ti vieu el.
Hi khawvel ka sir hmaa muol lo liem ta khawm an um a. An thi kum indawtin hang suklang ei tih.
1. Ngurthangsei - 1975
2. V.L. Bawia - 1989
3. Thangchuoilo -04/Oct/1996
4. Lalparmawi
5. Songlienthang - 01/Feb/2000
6. Sapbieklien
Sapbieklien Songate 27/4/1964 to 31/4/2019
Sapbieklien Songate hi Pherzawl High School-ah hun iemani chen a lo thawk ve a. Inchukna tieng Graduate a nih. Kum 2000 khan a u-pa Songlienthang, MLA candidate chu misuol kut tuorin muol a liem a. A u-pa hnung zui dingin Tipaimukh biel MLA chu a hung ngir ve tah a nih. Vawi 2 lai a'n candidate hnungin Mizoram tieng umhmun a khuor a, a thi chen hin Kanaan Veng, Aizawl-a khawsa an nih.
Sungkuo: A nuhmei hmasa Lalringpui leh naupasal 2 - Casey Lalrothang le David an nei a. Nupa kar inrem nawna leiin innei zawm lovin an inthe a. Chu hnungah Rosy (Pherzawl) leh inneiin nau 4 - Evelyn, Clement, Joshua le Lallawmkim hai an nei.
Bawrsawmna: November ni 18, 2014 lai khan Aizawl Civil Hospital-ah an lut tan a. Khang lai huna khan Internal Bleeding kha a natna deu tak a nih. Chu hungah RIMS Imphal chen tlungin, a hung changkang pei a. Amiruokchu, dam that hmel tak tak hmu chuong ta lovin, a hriselna a hung tlahnuoi pei a. Kum 2017 a'nthawk lem khan chu Hospital inzawm zutin lut zing a ngai tah.
A thin a tha ta naw leiin pangngaia hang dam nawk ngaina a um naw a. Inenkawlna hautak tak hmasawn dingin sum le pai a ngai rawn ngang el si leiin, san ruol lovin March ni 31, zing 1:45 chun Falkawn Hospital, Mizoram-ah a mi liemsan tah a nih.
Pathien Hmangaitu: A damnaw sung hin ruoltha tam tak sawmdawlna a dawng a. Hi chen a dam thei khawm hi thangpuitu tam tak a nei lei a nih. Kum 2014 a damnaw tum khan Pathien tieng na a sit tan a. Hmar Bible le Mizo Bible a tiem suok ve ve hman a nih. Ni danga Pathien thu ngaisak hlak a ni naw leiin, Pathien a hei hnai ve khan chu mi nekin a zuol amanih ti dingin a um a. Bible chang ni tin hin mi tam tak a thawnkuol hman hlak a. A hun tam lem chu Bible tiemin a hmang ti naw ruol a'n nawh.
A'n enkawlna po po hi Pathien hausakna a ni tak a. An sungkuo nei chun a tlin nawh, a chunga Pathien tiktlaina hi a ropui hle el.
Ka Pa le Ka Papui: Ka pa Laltlansang le ka papui Sapbieklien hi pieng indawt an ni leiin an inngai hlein ka hriet a. Anni baua inthawk khawmin ureng laia inngai bik an ni thu an hril a. A sie a tha an inhril ngam a, inti bawr bawr ngam khawm an nih. August 2018 khan an hun nuhnung chu Aizawl-ah an lo hmang liem ta a, a thi chenin hmel an inhmu hman ta nawh.
Telephone ruok chun an inbiek ngun vieu a. Tuibum ngatrawl dam an rawp thu a hei hril hlak a. Amiruokchu sa hrim hrim a'n sum a ngai si! Lungthuliena a thingrem insiemtir khawm a ngaiven hman ta naw a nih.
A thi ding zan khan a vawi khat hang har deu chun a nghaktu Clement chu, "i pate Tlansang hei hril rawh," a ti ni awm a. Clement chun a zuk hrila ka pa chu, papui Sapbiek chu a la tawng pei naw leiin, "Dam a ta, ei inbiekna hmakho," tiin an inhadamtir a. A hnung sawtnawte chun a liemsan el nawk si tah a nih.
March ni 31, zing dar 2:30 vel hin sms ka dawng a. Zingkar ka en chau a, ka papui Sapbieklien thi thu ka pa mi thawnna a nih.
Kan Hun Nuhnung: Kum 2018, October thla tawp tieng khan Aizawl ka hang suok a. Ka u Ruolpawllien, Vaitina inthawk Mizoram MLA Election 2018 boruok vela Aizawl hung inzin leh kan intuok fu bawk leh, Papui Sapbiek zu kan ei tih, kan tiha Bike-in ka inphur thlak a. Kan hang inhmu thut chu ka lo ka huou a, naupangin lekha an lo tiem a, ka nupui ruok chu puonsawpah a lo fe a.
Papui Sapbieklien hi mi ngaina thiem tak, Aizawla inzin le inpem, a in chuongkai taphawt bufaka ko threl a nei ngai nawh. Chuong khawp chun a nauhai kher naw khawm a ngaina hlak a. Chu zan khawm chun kan inthung le inruolin thingpui a zuk insiemtir hman nghal a nih. Kan sangpa Joseph chun thingpui a hung inlum a. An inhnuoia um kan tupa Sienga (Parbung) khawm a hung inlang ve bawk a. Zan dar 10 chen kan inpan.
Kha hmaa inthawk khan kei khawm Bible chang a mi thawzie hlak a. Hi zana kan zu kan trum hin a khat bakin TV ah, Frederick Lalrindika rawngbawla, Salvation Temple-a mi kha live programme a lo en a. Pathien thu kha a buoipui ve fut chun a'n lang.
Ka papui ngaidan pakhat thra ka ti chu - chawlni hin inkhawm thei naw trum khawm naupang hi a'n cheitir vawng hlak a. Pathienni thuomhnaw ei inbel chun chawlni ei inza a, chawlni inserna pakhat a nih, a ti hlak a, thra ka ti khawp el.
Chu zana kan zu kan trum chun ei inhmu inkhata riek inla, uisa khawm kan hau, a ti a. Riek chuong ta lvoin, "I damdawi man ding" tiin pawisa tlawmte ka siepek a. Kan tlansuok nghal a. A mi hnawtzui a, mi pek kir a tuma chu, thiem taka ka zuk hril nawk leiin a lak a. Pathienni zantieng chu bufakah hung rawh, hung ko nawk ka che, tiin a min thla a.
Hospital-ah Kan Inhmu Ta Lem: Pathienni chawhnung chun bufaka fe ding le ding naw ka saikar a. A (Ka papui) mi la hung phone naw leiin kan thawk ngam chie naw a. An leh zan inthim hnung hin Clement-in a mung call a, ka zuk biek leh Grace Nursing Home-ah Inrinni zan an lo lut thu a hung hril a. Ka u Ramsiemzo leh kan hang fe a. Kei chu a riek dingin ka'n siem nghal a. A damnaw sunga ka um remchang ve sun a ni leiin tungngha zing ka tum a. Midang Aizawla umhai chu a damnaw ngun ta leiin an lo sawl tawl ta khawm ka ring a, kei ruokchu ka vawi khatna a ni leiin thahnem ka ngai. ICU kawta chun ka nupui, Clement le an inkawlnu an lo um a. Chu zan chuh a zan hnina a ding a nih. ICU ah ni thum le zan thum lai a um hnung chun ward-ah kan insawn dawk a. Ni khat chu ka la umpui thei a. Kan pahni chaua kan um lai chun a huntawng thenkhat a mi hril a. A nuhmei hmasa le an inthre thu le, tuta mi a nei nawk dan dam. Chun, vawi khat thi ding ei n'a, thina chu a tri naw thu dam. Amiruokch thina kha ngam hle sien khawm, a nauhai leiin thi kha a la rin niin ka hriet.
Lungthulien Welfare thuoithai chun ICU suok zan chun an hung kan a. Ama ka papui hi Founding Adviser-a an hmang a ni bawk leh. Chu zan chun Rev. Pensonthang, Reagan, Ramchuoilo le Lalthuthlung an hung a. Keini tieng ka ni Remvel rawiin kan um bawk a. ICU a'nthawk ka papui kan hei zawn kha a rik khawp el a. Keini sung Reuben, Clement le kei thangin mi 7 velin kan zawn a, lampui a'n trum naw bawk leh a rik vieu el.
Sungkuo: A nuhmei hmasa Lalringpui leh naupasal 2 - Casey Lalrothang le David an nei a. Nupa kar inrem nawna leiin innei zawm lovin an inthe a. Chu hnungah Rosy (Pherzawl) leh inneiin nau 4 - Evelyn, Clement, Joshua le Lallawmkim hai an nei.
Bawrsawmna: November ni 18, 2014 lai khan Aizawl Civil Hospital-ah an lut tan a. Khang lai huna khan Internal Bleeding kha a natna deu tak a nih. Chu hungah RIMS Imphal chen tlungin, a hung changkang pei a. Amiruokchu, dam that hmel tak tak hmu chuong ta lovin, a hriselna a hung tlahnuoi pei a. Kum 2017 a'nthawk lem khan chu Hospital inzawm zutin lut zing a ngai tah. A thin a tha ta naw leiin pangngaia hang dam nawk ngaina a um naw a. Inenkawlna hautak tak hmasawn dingin sum le pai a ngai rawn ngang el si leiin, san ruol lovin March ni 31, zing 1:45 chun Falkawn Hospital, Mizoram-ah a mi liemsan tah a nih.
Pathien Hmangaitu: A damnaw sung hin ruoltha tam tak sawmdawlna a dawng a. Hi chen a dam thei khawm hi thangpuitu tam tak a nei lei a nih. Kum 2014 a damnaw tum khan Pathien tieng na a sit tan a. Hmar Bible le Mizo Bible a tiem suok ve ve hman a nih. Ni danga Pathien thu ngaisak hlak a ni naw leiin, Pathien a hei hnai ve khan chu mi nekin a zuol amanih ti dingin a um a. Bible chang ni tin hin mi tam tak a thawnkuol hman hlak a. A hun tam lem chu Bible tiemin a hmang ti naw ruol a'n nawh.
A'n enkawlna po po hi Pathien hausakna a ni tak a. An sungkuo nei chun a tlin nawh, a chunga Pathien tiktlaina hi a ropui hle el.
Ka Pa le Ka Papui: Ka pa Laltlansang le ka papui Sapbieklien hi pieng indawt an ni leiin an inngai hlein ka hriet a. Anni baua inthawk khawmin ureng laia inngai bik an ni thu an hril a. A sie a tha an inhril ngam a, inti bawr bawr ngam khawm an nih. August 2018 khan an hun nuhnung chu Aizawl-ah an lo hmang liem ta a, a thi chenin hmel an inhmu hman ta nawh.
Telephone ruok chun an inbiek ngun vieu a. Tuibum ngatrawl dam an rawp thu a hei hril hlak a. Amiruokchu sa hrim hrim a'n sum a ngai si! Lungthuliena a thingrem insiemtir khawm a ngaiven hman ta naw a nih.
A thi ding zan khan a vawi khat hang har deu chun a nghaktu Clement chu, "i pate Tlansang hei hril rawh," a ti ni awm a. Clement chun a zuk hrila ka pa chu, papui Sapbiek chu a la tawng pei naw leiin, "Dam a ta, ei inbiekna hmakho," tiin an inhadamtir a. A hnung sawtnawte chun a liemsan el nawk si tah a nih. March ni 31, zing dar 2:30 vel hin sms ka dawng a. Zingkar ka en chau a, ka papui Sapbieklien thi thu ka pa mi thawnna a nih.
Kan Hun Nuhnung: Kum 2018, October thla tawp tieng khan Aizawl ka hang suok a. Ka u Ruolpawllien, Vaitina inthawk Mizoram MLA Election 2018 boruok vela Aizawl hung inzin leh kan intuok fu bawk leh, Papui Sapbiek zu kan ei tih, kan tiha Bike-in ka inphur thlak a. Kan hang inhmu thut chu ka lo ka huou a, naupangin lekha an lo tiem a, ka nupui ruok chu puonsawpah a lo fe a.
Papui Sapbieklien hi mi ngaina thiem tak, Aizawla inzin le inpem, a in chuongkai taphawt bufaka ko threl a nei ngai nawh. Chuong khawp chun a nauhai kher naw khawm a ngaina hlak a. Chu zan khawm chun kan inthung le inruolin thingpui a zuk insiemtir hman nghal a nih. Kan sangpa Joseph chun thingpui a hung inlum a. An inhnuoia um kan tupa Sienga (Parbung) khawm a hung inlang ve bawk a. Zan dar 10 chen kan inpan.
Kha hmaa inthawk khan kei khawm Bible chang a mi thawzie hlak a. Hi zana kan zu kan trum hin a khat bakin TV ah, Frederick Lalrindika rawngbawla, Salvation Temple-a mi kha live programme a lo en a. Pathien thu kha a buoipui ve fut chun a'n lang.
Ka papui ngaidan pakhat thra ka ti chu - chawlni hin inkhawm thei naw trum khawm naupang hi a'n cheitir vawng hlak a. Pathienni thuomhnaw ei inbel chun chawlni ei inza a, chawlni inserna pakhat a nih, a ti hlak a, thra ka ti khawp el.
Chu zana kan zu kan trum chun ei inhmu inkhata riek inla, uisa khawm kan hau, a ti a. Riek chuong ta lvoin, "I damdawi man ding" tiin pawisa tlawmte ka siepek a. Kan tlansuok nghal a. A mi hnawtzui a, mi pek kir a tuma chu, thiem taka ka zuk hril nawk leiin a lak a. Pathienni zantieng chu bufakah hung rawh, hung ko nawk ka che, tiin a min thla a.
Hospital-ah Kan Inhmu Ta Lem: Pathienni chawhnung chun bufaka fe ding le ding naw ka saikar a. A (Ka papui) mi la hung phone naw leiin kan thawk ngam chie naw a. An leh zan inthim hnung hin Clement-in a mung call a, ka zuk biek leh Grace Nursing Home-ah Inrinni zan an lo lut thu a hung hril a. Ka u Ramsiemzo leh kan hang fe a. Kei chu a riek dingin ka'n siem nghal a. A damnaw sunga ka um remchang ve sun a ni leiin tungngha zing ka tum a. Midang Aizawla umhai chu a damnaw ngun ta leiin an lo sawl tawl ta khawm ka ring a, kei ruokchu ka vawi khatna a ni leiin thahnem ka ngai. ICU kawta chun ka nupui, Clement le an inkawlnu an lo um a. Chu zan chuh a zan hnina a ding a nih. ICU ah ni thum le zan thum lai a um hnung chun ward-ah kan insawn dawk a. Ni khat chu ka la umpui thei a. Kan pahni chaua kan um lai chun a huntawng thenkhat a mi hril a. A nuhmei hmasa le an inthre thu le, tuta mi a nei nawk dan dam. Chun, vawi khat thi ding ei n'a, thina chu a tri naw thu dam. Amiruokch thina kha ngam hle sien khawm, a nauhai leiin thi kha a la rin niin ka hriet.
Lungthulien Welfare thuoithai chun ICU suok zan chun an hung kan a. Ama ka papui hi Founding Adviser-a an hmang a ni bawk leh. Chu zan chun Rev. Pensonthang, Reagan, Ramchuoilo le Lalthuthlung an hung a. Keini tieng ka ni Remvel rawiin kan um bawk a. ICU a'nthawk ka papui kan hei zawn kha a rik khawp el a. Keini sung Reuben, Clement le kei thangin mi 7 velin kan zawn a, lampui a'n trum naw bawk leh a rik vieu el.
Kantu Mak Tak Tak: Hospital-ah a chang chang ka nupui le Clement ka va sawk zeu zeu hlak a. Ka papui le chaua kan um lai hin kantu mak tak tak a nei hlak a. Pawisa inenkawlna ding kan tlaksam lai khawma hmelhriet lo a'nthawk dam a hung inlawi nawl nawl kha mak ka ti thei khawp el. Pathienin nasa takin a umpui a. Tlaksamna kara khawm Pathien kut vawi tak tak an hmuin ka hriet.
Politics Lamtluong: Ka papui Songlienthang Songate kha 1995 khan Manipur People's Party (MPP) ticket hmangin Tipaimukh biel-ah MLA a ngir a. Kum 2000 election-a khan tling ngei dinga boruok a nei ta leiin a hringnain a tuor pha a. A u-pa hmun ruok hluo dingin kum 2000 le kum 2002 by-election ah JDU Party ticket-in ka papui Sapbieklien hi a lo ngir ve tah.
Mizo National Front le kan sungkuo hi inzawmna thra tak kan nei a. Ka papui Songlienthang khan Manipur-a MNF Party a ngir theina dinga hmalatu a ni leiin, vawisuna MNF GHQ thruoituhai hin an hriet fur a. Chawimawina thuziek khawm ka papui Songlienthang kha an lo pek nghe nghe. Chu zar pei chun ka papui Sapbieklien khawm an lo ditsak pha. Kum 2018 Mizoram election-a khan ka papui hin tha a thaw ve thei ta meu naw a. MNF Party-a a nina Joint Secretary General Headquarters chu a thi chen hin a chel a nih.
A thi ni hin a ruoltha bik Health Minister Dr. R. Lalthangliana, Minister T.J. Lalnuntluanga le Party thuoitu tam takin a hmunah an sun ve nih (thlalak a hnuoitieng).
Papui Sapbiek, Ngai I Um Awm Ngawt El Ie....
 |
| A nuhmei le a nauhai 4 |
 |
| MNF Party-a a thawpuihai |
 |
| Dr. Lallukhum Fimate |
 |
| Lungthulien Khawsuok - Dr. L Fimate, Pu Hmingchunghnung, Zairemthang (A Zawlpa), A nuhmei, Rev. Pensonthang, Pu Lalvenhima Hmar |
 |
| A u-pa Lalkhawmawi Songate |
Tags
Sungkuo Chanchin