HMAR GRAMMAR - KHI VA KHIN & KHI VA KHAN

HMAR GRAMMAR - KHI VA KHIN & KHI VA KHAN
Tawng hi a keilet hnesaw deuhai chun a hmang dan an thiem a. Mi vantlang hmang naw dan, indik ve si hmang theihai hi "ziek thiem" ei tihai chu an ni tlangpui. Chun, tawng hi a ngil a nganga, a ni ang anga hmang vawng thei a ni naw a. Hla thuah lek lem chu a keilet thiemhaiin an ngirsuokpui hlak.

Entirna dingin: "Lungdaw" ti thuhmal hi, mawikhai taka thlak danglam thei a nih. 

"Kawtsuo dawlung intlar bum a e...." 

Hi taka hin Lungdaw  ti kha a letling zawngin Dawlung  ei ti dei tah. Tawngupa le tawng mawi takin a hung suok thei. Mi thenkhat chun a ziek kawkal an lo ti'l rawi mawh!

Hieng anga hmang thei ding tawng hi a mak a maka tam a um. Pakhat la hei hril sa nawk inla. Lungtat khawm hi tawngupaa ser ding chun a letling zawng hin a lo mawikhai vieu. Rami pa chun Tatlung chun a thir chem zuk inngei a....! 

KHI VA KHIN/KHI VA KHAN

Preposition hi chi 5 lai a um a. Chuonghai chu -  Simple (on/in/under), Compound (before/without/behind), Double (upto next/ from behind), Participle (during/following) le Phrase (on behalf of) a nih. Khi va khin ti hih Double Preposition niin an lang a. Chun, phrase khawm ti thei a ni tho awm ie. Anachu, double preposition ti hih a rik lemin ka hriet. Khi hi preposition a ni a, Khin khawm hi a ni ve bawk. 

A hmangna dan hril inla a fie awm ie:

1. Khi va khin ka sie i pawisa ding.
2. Khi va khan hung thaw nghal ta inla ni ding/Khi va in um lai khan thaw ta'n la...!

A hmasa hin double preposition a hmang a. A hunbi a suklang nawh. A pahnina ruok hin chu thil liemta hnung kha Khan tiin a zuk suklang a nih. 

Khi va khin i um a ni? Ei ti chun chu hmun chu a hriltu khan a hmun a va la sir naw amanih/Ralkanga inthawk a zuk kawk khawm a ni thei.

Khi va khan i um a ni? Ei ti chun, a hmun chu naki deu met/kha hma met amanih, hnaivai deu lai khan ei lo va sir/hmu tah nia ngai thei a nih. Annawleh, ei zuk hraw zo, hmun inhnuoitieng zuk pan mek lai a, kha hmun fe pel ta hnung zuk hril nawk hunah Khi Va Khan kuva ei zuk lak naw a..... ti ang dama hmang thei a nih.

Hmatawng indik taluo ve ve a nih. A hmangna ding hmun le hun hriet a pawimaw.

N.B.: Hmun pakhatah khi va khan ka hril tah  tiin ka hmang a. An dik nawh a hei ti ni chu! Ama chun, Khi va Khin ti chau a hriet a nih. 


Post a Comment

Please Select Embedded Mode To Show The Comment System.*

Previous Post Next Post