Rul Chuk Damdawi (Tlangpa)
Tulai khawvelah rul chuk leia hringna chan ei tam ta a. Rul tur a lut ta chun science thiemna damdawi khawmin san thei tak tak a ni ngai nawh. Chuleiin a pawimaw hmasa chu sung tienga rul tur tam tak a lut ding dang chat kha a nih. Chu ding chun rulin mi a chuk hlimin inrang taka bawisawm a pawimaw a. Tuta tuoltro damdawi ei suklang dinghai khawm hi hmang (apply) vat vat a thra hleng a tih. Chun, hieng tuoltro damdawihai hi ngei nawa sietpui ding a um chuong naw a. Ngam sata hmang thei a nih.
1. Rul chukna be chu at pawp met a duli/seki thir bel ding. Rul tur a um sung chu a kawp tlat ding a nih.
2. Aithing sawra a tui chun thisen hungna tieng anthawka zut ding. A umzie chu a chukna beah a tur kha khal suok ding tina a nih.
3. Tibur/Tuibur tui lem a thra. Rul tur a um chun mihriemin an rui thei nawh.
4. Hieng Hnachang, Simkerlek mu, Berul, Maibal, Ailaidum hai hi tanbawngin rul chukna beah belin a tur a hip suok thei.
5. Arte mawng inchip zau zau hi a fawp suokna dinga hmang hlak a nih; artein a thipui hlak.
6. Kel nenetui dawn a thra.
7. Bachikhawm fak a thra bawk.
8. A bea khaini/dumb el a thra.
9. Dawl sawra a tui thlitfim ding. Chu chu taksaa jection ding. (Hieng ang hin pa (mushroom) ngei nawhai khawm an thaw hlak)
Suklanga umhai hi ziektuin a taka a hmang a ni hran naw a. Midang dang thil hriet lakkhawm a nih. Hiengang thil a umin hang rawn vak vak ding ei hriet ngai naw a. Tulai changkangnain Google ei rawn chawt hlak a. Amiruokchu hieng thil hi a la tlawm leiin ka sielut ve nih.
**A chunga hrila umhai hmang leia sietna amanih, buoina a um khawmin ziektu mawphurna ni naw nih. - Gospel Songate
Tags
Chanchin Lawrkhawm