Pu Lalte (Rawvakawt) le Titi Thukhawchâng





Tlangrama chu zan sawt tak tak chen thuk bulah titi, tlangpa thingpui sen leh ei sep hlak a. Tuta kan châmbângna rama hin chu lenghnawtsuok khuong hun an hma a. Zan dar 8 an ri chun gate kal inlaua intâlbuoi an um ta hlak.



Vawizan ve hin chu tlângpa rawng kai tak takin hun kan hmang thei a. Thingpui sen ngei, a dawmna no rawh um chi (Kohran no) leh kum 1996 laia India President le Prime Minister lo hohlim puitu Pu Lalte kha kan titi buzawlpui a nih. Hi lai ram boruok chu duthusama sa a ni a, thuka meiling awpna chi a ni nawh. A boruok hin a mi khuop de a, tha hrat leia intleng suok el chi a ni nawh. Kawlphetha a um naw lem chun Gehen tawntîr a ni ringawt. 



India President a 9-na Shankar Dayal Sharma le Prime Minister 12-na H.D. Deve Gowda hai lo zu hnawtsuitu #Pu_Lalte_Zote (Rawvakawt) thunawi kan ngai thlâk thei a. Innuina ding a tam ruolin darthlalang ding khawma fie tak ding niin an lang. Manipur Tribal Chiefs ai awin India ram lalhai a zu hmu hnungin Dum Dum Airport a hung baw a. VVIP treatment a zu chên hnunga a țuon fe inlawina thu hi a nih ka zuk hril tum chu.



"Delhi anthawk flight-in ka hung vuong tung a. Ka chîn tiel tiel a. Truck a ka chuong hnungin kein ka lawn tlung a. Tlangval ruolin an ar hme ding zawng dingin an mi lo tir chu!" 



Thuhriltu tam takin Pu Lalte chanchin tuta ei zuk suklang ta hi Khawvel Ropuina A Tawizie tekhinain an hmang hlak nghe nghe a nih. (Ama chun lawm kher naw nih)



Kum 2003 laia Dierkeihai le buoi țum khan Mahur khuo rawin a um a. Assam rama Hmarhai hritlângna lo insim phâkin, kângvara Saron-Mahur lut hmasataka țhangin, thlavâng hautu a nih.



Kum 2006 laia Manipur phairam helpawlhai kut ei tuor țum khan Mizoram tieng ei ralzam a. Kha lai huna khawm khan Mizoram Chief Minister a lo biek hman a. Hmar refugee hai țha takin an mikhuol pha.



Hmar Inpui regional President lo ni tahin, kum 25 pumhlûm țhak Village Authority Chairman chel thei a nih. 

.
☆A tawnhriet ngaithlak a manhla vieu.








Post a Comment

Please Select Embedded Mode To Show The Comment System.*

Previous Post Next Post