Malsawmkim Sunna Thucha

Gospell Songate

8 May 2015 Virthli Group

Hmar Pasaltha A Fam Ta Ie!

.

.

(Sawrkar hmunhluo le hnawksak tlinga, ralpui phier taka luman nei a nih ti kan hmaih hau nawh. Sienkhawm, mirilo satlie a ni bík nawh. Mi ngaia a suolna/hrangna hrilmawi ka tum naw a, hnam san dinga an pekna ruok hi chu ka tobopui thei nawh)

.

.

MALSAWMKIM, i chanchin kan hriet hin lung a va thawng ngei! Ei Hmar hnam hieng el a hrilhaih ding hin i liemsan thei nawh. A la hun nawh! A hun lul nawh! I hmunruok tunam hluosip a ta? Sárpui ienga vanvawm chang el ding chun i pámhmaiin a na kan tih.

.

.

Hmartlangpui inthim elvar dinga kalsiem i rel ni khan, Hmarnau zalénghai chu lawmna'n an sip a; hnam hmangaina thi lek lek ta chu i mút chawk thar a, thalai tam tak lungrilah thawnthu ngainuom um tak i ziek kha tie..... A ni ngei, i sakhmel chauh hmu nuom khawm a za tam an um vei leh!

Sienkhawm, laimi rallien i tawnah an hráng hle si maw.... Hmarthimpui súngah hnena hlado in sam hun ding hahipa kan thlír laiin, awmlainunrawng hrángin i pármawi insuo ding an thliek ta si!

Hmarnau nghaknu le válhai hin kan va hei ngaisang tak che de aw...... I hnuoi hringnun táwpin kan lai um ta naw la khawm, i sakhming hi nghil ni hrim um ta naw nih.

.

.

Hieng ang inpekna neka hlu ieng am um thei chuong a ta?

.

.

Kim, i tawngkasuok mawi tak an hril hi sukpuitling pék che kan va nuom ngei.

.

.

"Nikhat chu hmelma kutah la thi ve ngei ka ta. Amiruokchu ka thina hin thangthar lai thu hril raw seh" ti thu i lo hril ta kha! 

.

.

Thu chu i hril takzet ie, hringkhuo la chám dingin kan thlo chau lem che nih.

.

.

- Hmar mihráng thlafam i chang ni hin tlángkhuo a ngúi a, Hmar thisen kaihai di'n lung a zíng hle bawk. Hmuntin le ramtina um ha'n i sakruong buon-ang pawm an nuom. I fam chang reng hin lunglai a rún a, thlafam i changna dinga túrnipui van kai chen khawm ansie law an nap-

.

.

Aw Van Pathien, lungril takin hi hih kan ngen che. I hnam siem Hmarnauhai san dinga Pasaltha I pék khan hringkhuo a tinsan tah. Pa, thlamuong takin I ángsúngah lo inchawltir ve ngei raw aw..........

*I sakhming thangthar chenin mawizuol deu deu pei raw seh!

Virthli a post a nih. Likes le Comments sang chuong ve ve a um hman a nih.