Nun dam ei nei theina dingin
“Thil \ha thaw, Nundan mawi, Tlawmngaina”
-Thil \ha thaw dinga Isu
Kristaa chun siema umin,
Ama kut suok ei ni sih a- Eph 2:10
Tulai khawvel hun bawrsawm takah hin, khawvel inhawi lem siem tumin sakhawmi deuhai chun kum tam liemtaa inthawk khan hma an lo l^k ta a. Buddha (Buddhism) le Mahavira (Jainism) inch<ktirna hi mihriemhai nungchang le hawih^wmna siem \ha theitu dingin an beisei a. Chuongang chun school, college le university-ah hai seminar buotsaiin, khawtlang nun siem \hat an tum a nih. Sakhuo tin hin tum \ha tak a nei tiin an hril hlak a. Amiruokchu, bawngsa ditnaw leia tuolthat ngamhai d^m, khawvel muongna sukse khawpa sakhuo inruichil leia lu tan ch$ng d^m an hung um ta pei a. Mani sakhuo chanpui lai b^k ngilneina an lang maw vieu. Eini lai khawm hin piengthar inti, kohrana inhmang seng seng khawm, tlawmngaina nei le nei naw k^r a hla hle. Kohrana inhmang l>m lo mi ngilnei tak tak an um ve ch^wk bawk. Tlawmngaina hi hnam tin chi tin, ringna tum tumhai nei seng, mihriem du^mna le hmasielna hung pung pei leia \uoi tah a ni a. D^wn thar la a, a hung p^r nawk chun khawtlang nun se m>k tah tuom damtu ding a nih.
“Thil \ha thaw, Nundan mawi” ei ti hi tlawmngaina i sawm nungchang a ni a. Mi tlawmngailo nunah hmu ding a um ngai nawh. Kristien sakhuo inch<ktirna le inz<l em em “Motto” ei nei hi a hlu ngawt el! Bible-a innghatna (principle) nei ang hielin Bible bung le ch^nghai hin v>nghai hmangaina chungchang a hril a. Ei Bible-in mani ta chau en lova, midang ta khawm ngaisak ding (Philippi 2:4); l^wmhai chu l^wmpui a, a harsahai chu sawmdawl dingin (Rom 12:15) a mi dit a. Hieng tlawmngaina le a keihnawi kh^i kh^wmna chu “Nangma $n hmangai angin i v>nghai i hmangai ding a nih” ti ziek hi a nih. Eini Pathien hring bietu Kristien sakhuo zuituhai hin an ch<ktirna indik takin vawng thei inla, ei khawtl^ng nun hi thl^khla um takin la um ngei a tih. Sienkhawm, einihai ng>i khawm chu sakhuo pawl leia buoi ch$ng ei la ni tho si nih! Ei i hrilf^k Tlawmngaina le sakhuo hi an kal hrim hrim naw a. Chu n>k hmanin ringtu nun chei mawitu dingin inhnar a um b>k b>k. Hieng “Thil \ha thaw, Nundan mawi, Tlawmngaina” hi, ei hril ta angin tlawmngaina b^wmin a keng vawng a. Thil \ha thaw ding le mihai mithmua mawi taka um thei ding chun tlawmngaina ei vawng a pawimaw. Chuleiin, ei ringna (sakhuo) sukmawi zuoltu ni thei dingin a tungdingna sin hi mimal tinin ei \an a hun ta takzet.
|obul: Historian-hai angin a \obul thusim ziek ka tum naw a. Amiruokchu, inhma khawtlang nuna tlawmngaina a lo vul ch<k d^n kha tawite’n hang tarlang ei tih.
Greek mivar (philosopher) Aristotle chun, “Man is by nature a social animal,” ti \awngkam a lo sie a. Mihriemhai hi piengphung le khawsak zie hrimah a huhoa um chi ei nih. In la b$ng kh^ra khawtl^ng thil ei ngain>p ta tlat hin ei hnam nun ze mawi chu thi lek lekin a um pha. Tienlai chun Zawlb<k a um a, chu taka chun val-upa inrawina hnuoiah puonthuo khailai pasal an riek b<m hlak a. Thuawina, nungchang le hnam nunphung thiemthil chi hrang hrang inp>ks^wngna ni f^wmin, hi lai hmun hi tlawmngaina hung suokna kulpui tak niin an lang. Tulai angin pawl (organization) a tam naw a, hotu ni nuom leia in-kh$k-in-khal a la um nawh. Chulei tak chun khawtlang thil thawnaah inthuruolna a um a, tlawmngainain a p^r suok.
Mihriemhai hi a mala ei tla chun tlawmngai insuona ding a um naw a. Mi dang le ei umkh^wm hin tlawmngaina a hung suok thei chau a nih. Ma khata umin tlawmngai hran a \ul nawh; thaw \ul chu ei thaw el. Tienlai khawtlang nunah tlawmngaina a lo insang kha an inhmu kh^wm rawn lei pakhata chu ni thei bawk a tih. Khaws<ng thil thawnahai a ruolin an thaw a, a thaw hunah a hmasa an inchu a, f^k hunah an inkien hlak. Chu mizie chu an sawm pei a, khawlai hmunah khawm an suklang ta hlak a nih. “|ha t^ng ka tih” ti ringawtin \hat thut thei a ni nawh. “Thil \ha thaw rawh” tiin mi nungchang siem el thei a ni hek nawh. Chuongang bawkin tlawmngaina hi nei thut el chi a ni naw a, mi tlawmngai umna hmuna inch<k a, chu taka inthawkin hung ch$ng \an a, ngaia nei peiin ei zawngsak lem ding a nih. Tienlai hun angin vawisun hin tlawmngai inch<ktirna sikul Zawlb<k ei sawm thei ta naw a ni thei. Amiruokchu, tienlai hun n>kin hun \ha lema ch>ng ei ni ta a, inch<ktirna kawnga hmang \angkai thei ding thil a tam hle. Inch<kna (education) thiltum laia hmasatak chu “nungchang siem” a nih. Chun pawl tum tumhai hin “thil \ha thaw” an tum seng bawk a. Hieng sa khawm hin ei tulai nungchang chu hril ngai lova ei hriet a nih. Ei khawtlang nun ch>ngna tl^ka cheibawl dingin p>ng (organs) hrang hranghai hin ei \obul anga kal pen a hun hle ta naw maw.....!!
A umzie: |hangthar khawvel inelna (competition) ins^ng taka kara hin tlawmngaina phursuok hi a awlai naw a. Hmun \henkhata lem chu “inv>t” hlawna a ni lem hiel. Hiengang boruoka l>ng ei ni ta a, a umzie hrietchieng naw chun tlawmngaina hi s^m mei mei chi khawm a ni awm nawh. Tlawmngai inti-pa, mi n>ka thawpa khawm khan midanghai a ph<t tlat el chun, a suklang tum tlawmngaina kha a sukhnuoi (reduce, diminish) pha a. A ni ding ang takin (original form/model) a mawi zo ta ngai nawh.
Hienghin hang hril inla. “Tlawmngaina” ti thumal hi \awng pangngai thumal pahni “Tlawm” le “Ngaina” belkawp angin pawm inla, a fie hle ring a um. Tlawm (surrender, give up) a ngaina (need, necessary) chu hi hih a nih: Thil thaw ding amanih, mi \hangpui ngai an umin a pan hmasatu ni ding chun, lungrila midanghai >ngna/ph<tna kha hn^wla (give up) inp>k (surrender) a ngai/\ul a. Chu chuh tlawm + ngaina, tlawmngaina a nih. Midang suok hma khata suok lo dinga lungril ei siem chun a tlawmngai ding an um naw a. Taksa a ch^ng hma hin lungril a tlawm zet ding a nih. Lungawi taka thaw dinga ei sukthlu ta chun midang thaw le thaw naw kha buoipui ding a um ta naw a. Tlawmngaina chu thilthaw, nungchang le ch>tzie-haiin a tarlang ta lem a nih. Chun, “tlawm ngaina-mi” (one who often surrender for the cause of good works) ti khawmin hril thei a ni ^wm ie. Mi chapolo tak, nun innem, hmasiel ngailo, tlawm ngaina hmuna tlawm hlak; chu mi ngei chu a nih tlawmngaina kengkawtu chu.
Tlawmngaina nei mi chun Thil \ha a thaw hlak a, Nundan mawi (nungchang) tak a nei. Tlawmngaina-a thawtu chun beisei a nei naw a, an hawi le rinum thu a d^wn nawh. T<m a \hangpui, iengang mi’m an nih ti a en hmasa zet nawh. A hun le hmunin an tlun angin a hmaa thaw ding chu hlen a tum lem hlak. A thil thawah an suong naw a, mihai lawmthu hril a ph<t nawh. Lungrila tlawmngai tak takhai chun mi hmuhawia thaw an rin lem a, inlang lova thawtu ni an tum. Thisen inhnai leia p>nsuok a ni naw a, hmelhriet lei a ni hek nawh. Iengang ngirhmuna khawm ni sien, tlawmngaina chu a nih Samari mi\ha s>rsuoktu chu.
Tlawmngaina tungding dingin: Hmarsak state-a tribal hnamhai chau hin tlawmngaina ei nei naw a. Ei n>ka hnam changkang tlawmngaina vawng \ha an la tam. Ei hnam zier^ng an ang vawng naw leiin khaikhin an tak a, amiruokchu tulaia tlawmngaina zie pakhat, a thlawna thisen p>k (voluntary blood donation) ei kengkaw dan hin ei ngirhmun hriet thei a nih. Kum 2010-11 s<nga population le inmila tiemin thisen pe rawntak state chu Gujarat a nih. Thisen unit 7.65 lakh an p>k a, National Aids Control Society (NACS) chun an s^ngtak nina an hlan. Chun 2014 khan voluntary (a thlawn) b$ka dingin Tripura chun a zawnin vawi 6 an s^ngtak nina a chang. NACS record angin voluntary blood donation-a hin Tripura, Tamil Nadu, West Bengal, Punjab le Maharsahtra hai an filawr hle. Hi hih mihriem um zat anga s<t a ni a, tlawmngai >m >ma ei hriet Mizoram khawm an lang ph^k chuong nawh. Kawng iengkimah nasa nawkzuola ei bei a ngai hle nih.
Tlawmngaina hin a f<n kh^wm rawn ang bawkin a \hang lova khawtlang nun siet dingzie hi hahipa ngaituo khawp a tling. Upa inzana a tlawm, tir an s>l, insuol buoi a tam, zurui inhawk an tam, thl^n cho an tlawm, khawsawt in l>ng an tlawm - tihai hi tlawmngaina mi \insan m>kin a i hring vawng a nih.
T< nam tlawmngaina chi (seeds) chu th>ng a ta? HYA kutah ei sie el ding a ni? Teu love! S<ng tinin bul \an ei ta. Nu-le-pahaiin thuawi le hawih^wm dingin nauhai tu ngun ei tiu. Ins<ng zovah kohran. Sande Sikulah khawm inch<ktirna hi um thei sien \ha hlie hlie ding bah! |halai department khawmin hieng kawnga hin thaw thei a va nei awm deh! Kohran tinin hma ei l^k a ni phawt chun matheilovin khawtlangah p^r suok a tih.
Khuo pakhata tlawmngaina sietna san nia ka hriet chu Val-upa/HYA election hi a nih. |henkhat hotu inhawkin politics pawrche tlawmngaipawl s<ngah an fen l<t a. An tling naw phuba l^kna’n \halai an infuipawr a, a tlinghai khing hrim hrimin an um hlak. Chun tlawmngaipawl \huoitu ni si politics-a (hnam politics a huom nawh) mi vertherhai hin inthuruolna an suksiet a. Tlawmngaipawlin a thaw ding chin b^k kh$k naw sien, political election v>la inrawlh \^l ei tum hin pawl hmel a suksiet a nih. Ei thaw ding ang pei mani chanpuol sengah hlen a ni chun, ei i ngai >m >m tlawmngaina hin d^wn thar hung la nawk ngei a tih.
Tl^ng k^wmna: Lekha inch<k (education) hi sawrkar sin hmuna ding le, s<ngkuo chawmna ding sum siemna (money-making machine) ringawtin ei hmang niin an lang ta a, a pawi hle. Inelna lungril (sense of competition) ringawta inch<kna huong ei hmang a ni chun, mihriem nun (moral values) siem \hatna kawnga ei hlawsam chieng hle ding a nih. Khawtlanga mi tlawmngai ei tihai hi lekha inch<k s^ng an ni kher naw a, lekha inch<k intihai hi hma \huoitu an ni ngai mang nawh. Inch<kna chun “Mani kea ng$r thei ding le khawtlang ta dinga mi \angkai” ni dingin sersuok a tum a. |huoitu ni theina lampui amanih, v^ntlang inkh^wm nia mipui hmaa in\hung amanih, mani mimal insukmukna ding el ni lem lovin, kawng iengkimah a \ha lampui k^wkhmutu dingin lekha inch<khai hi ei beisei a nih. “Inch<kna” ei ti hin tlawmngaina mimal nunah tu dingin hmun ins^ng a hluo a. Naupang huna inthawka tiemin puitling chenin, ei hun tam lem inch<kna in (institution) s<ngah ei hmang liem. Tulai khawvelah \hangthar lekha inch<klo ei um mang ta naw; khawtlang nuna a ra suok ruok chu, sin (job) nei ei tam pha ti naw suong ding a um hran nawh. A ni ngei, inch<kna hin mimal nungchang a siem ti inhmai ruol an nawh. “V^na-pa \hata \ha” an ti hlak a. Suol thaw naw hi nundan mawi a lo ni kher nawh; thil \ha thaw hi a nih nundan mawi chu! Tlawmngaina kawngah lekha inch<khai hin danglamna nei tum ei tiu.
Midang ngh^k lovin, i nunah BUL |ANTU ni a, i hnam zier^ng hlu tak Tlawmngaina chawis^ngtu ni dingin - |halai, kalsiem r>l raw leh!!
(HYA buotsai thusep ziek inelna 3rd prize dawngtu a nih)
Ziektu: Gospel Songate, Assam University, Silchar. Mob-9706545402
Email: gospelsongate7@gmail.com
Tags
Thusep (Article)