Facebook Status Hi I Lo Dawn Chieng Ve Hlak Am?

I ngaituo ve hlak am...?

 Facebook hi galaxy pakhat, mihriemhai tuolchâina a ni ta zing a. Ei dama harsatna taluo a um hran naw chun "status" ei update ve châwk hlak. Tuta i tiem mék khawm hi chu laia mi a nih. Èšhenkhat chun "likes" le "comments" bêk khîkin hi khawvela hin ei la châm thu ei hril dar hlak a. Chuongang bawkin midang nungchang ei hrietna a ni ve thung.
Thinain thla a hung zâr a, ruol dit sam-ang ei È›he hin lunglai a rún a, an súlhnung sui ei nuom. Mi tam tak chun mani umhmuna inthawkin an      i-hnutsie facebook, fam tahai sakhming le kutsuok chu ei dap vél ruoi a. A hun laia hlu techiem lova ei i-en kha, a neitu ngei khawm ei chêngna pielleiah hmu ding a um ta naw zet chun, ngainat um takin ei thlír thiem tah. Chuongang chun, khawvel puotienga sawn ei ni pha chun, hieng thilhai hin ei ruol le pâi-hai kuomah thu hrilin, an lung a va la sukléng awm de aw........ ti ka ngaituo hlak.
 Facebook hi thil hotea inlang, amiruokchu hlutna rúk nei tak a va ni awm deh! Iengtin am?  I hlim ni le lawm ni, i hun hmang dân tam tak hi lai hmunah hin i ziek kai hlak a. Hieng po po hi "damlai lung" tia sâl khawp tling, i sika lainahai vawng nuom a la ni ngei ding a nih. Vawisun hin ngaingam takin status i update a. Ieng chen hím ei hlimpui ding chu leh!
Iengkhawm ni sien, hieng status, comments, le photo hai hi nangma ngainatuhai che ta dinga i siekhâwl pék a lo ni zing. Van kona dawng a, thina túr kut deia È›huoi i ni hunah, thawnthu ngainuom um tak hril dingin hun pêk ni naw ti nih. Chu nék hmanin i- remtina ni lovin, i chul riei riei el awm si !!  
Nang chun harsat beidawng lusún tuor ta nâwng i ta; nang ngaia inrúm ruok chu um na lawm an tih. Chuong nihaiah chun facebook hi i "Suonglung",  i kut ngeia i daw ni tâng a tih.

28 March, 2016 at 21:24, Silchar

Post a Comment

Please Select Embedded Mode To Show The Comment System.*

Previous Post Next Post