Khawvela hin thilpek chi tum tum a um a. Chuonghai laia langsar deuhai chu – Phutlet nei lova miretheihai kuoma pek, inpek tawn, thildang beisei leia thilpek inhl^n, tihai hi a nih. A nei le nei, mi hmai man tumna leia thil inpek tawn hi a suol hran naw a. Amiruokchu, a hlu tia hril khawp a tling naw a, a sawrtu an um bawk nawh. Milien milal kuomah beisei nei taka kutchawi nei hi bengvarna chikhat chu a ni ngawt el. Sienkhawm, petu le dawngtu hin a thiltum ei inhmai hek nawh. Thilthlawnpek ei ti le Tlawmngaina hi phursuokna kawngah an hnai hle a. Ahmasa lem hi neinung leia phursuok thei chau ni awm takin inlang sien khawm, hmasiel nawna, chan ngamna, tiktlaina, thiltha thaw nuomna lungril put a ngai a. A renga fun khawmtu chu Tlawmngaina a ni thei awm ie. Tlawmngaina ruok hi chu hlen dingin sum-le-puon a ngai nawh. Khuo khata tlawmngaia ei hrilhai hi neinung tak an ni naw tlangpuiin ka hriet. Pasiet suonlama midang ei thangpui thei naw chun, hausak leia thangpuina ei pek thei ni a um kher chuong awm nawh. Pasie ei in ti hle khawmin, ei neka chansie lem hi an bo chuong naw a. Chuleiin, midang thangpui theina bulpui chu Hausakna ni lovin, Lungril an pei hmasa a ngai.
Iengtin am Lal chibai buk i tum? :Kum 2015 Krismas beisei takin ei tung a. Pathien thuoina zara thuoitlung ei ni chun kum dang ang lo takin, hlawk taka hmang hang tum inla. Mani tiengpangah khawm duthusama hmang tum bawkin, iengtin am Krismas thilpek hlu tak ei siem thei ding aw....? ti hin ei ngaituona hang thuoi sien. Thlarau tieng thil chau invawi lovin, mihaiin thlarau malsawmna an dawng theina dingin, taksa ramah a phuhruktu ei ni thei ti hi ei pawm a pawimaw ka tih.
|halaihai hin ieng am thaw thei ei ta?: Tlangram le khawpuia thalai a tam lem chu nu-le-pa thawsuok ringa khawsa ei nih. Mimal ang chun thilpek lien tak thaw a lo harsa thei. Amiruokchu, ruolcham ang zawng damin, annawleh kohran thalai department ang zawng khawmin mihai ta dinga malsawmna intluntu ei ni thei hle a nih. Krismas tawm hin kohran thalai department tam tak chun mani sungah “Gift Exchange” dam ei thaw a. |halaihaiin ei hlimpui ang hu chun rawngbawlna huongah a thaw hlawk lawm nawh. Chu nekin, ei thaw ta rau rau chun hienghin hang thaw lem inla: Thalai member a thei povin ei ngam tawk sie inla. Chu chuh khawsunga a mamaw le tlasamhai kuomah pein, an ta dingin Krismas thilpek hlu tak ei siem thei a nih. Chuonganga ei thaw chun, mihaiin thlarau malsawmna an dawng hma hauin taksa ramah lo dawng an ta. An hma thuoitu arasi, naute kuom thuoitlungtu a ni thei.
Darthlalang : Pa pakhat, sin thaw mumal nei lo hi a um a. A thawkna company chu an khar ta leiin a rem rem thawin sungkuo a enkawl ve a nih. Krismas a hnai ta leiin nitina a hlawfa chanpuihai chun an inlawisan zo ta a. Chu lai hmun chu a nu le pa ruong zalna a ni bawk leiin an suoksan ve ngai nawh. Zan khat chu vur tla pheu pheu karah inthim hnuoiah in tieng panin a fe a. Khuo an thimin, lampui chu hmu harsa khawpin a pik a. Amiruokchu, nitina a fe-le-hungna a ni leiin lampui chu a hrietbel vieu. Chuongchun a hei fe pei a. A nuhmei neka inlawi hmasa hlak a ni a. Naupang khata um an ni leiin in tlung vat a nuom hle tah. Ringlo takin lampui sira motor ngir a hei hmu a. Motor chu a hei pan hnai a, a bula dei ti dawr dawra inthung nuhmei chu a zuk hmu bawk a. Nuhmeinu hmela chun titna a um ti a hriet a. Dei tia khak insawi nawk nawka inthin a nih ti a hmu thel nawh. “Nunghak ti naw rawh, thangpui ding chea hung ka nih ,” a hei ti a. “Motor sunga hin hung insuklum la........ Ka hming chu Bryan a nih,” tiin a thuoi lut a.
A ring nekin chu nunghak chu a lo pangngai a. Sungkuo rethei a ni hmel naw a, deiin a man ti naw chu harsatna dang a nei nawh. Chuongchun motor ke chu a buoipui pek nawk nawk a. Motor kawtkhar anthawk chun nunghak chu hung dakin, St. Louis anthawka hung a ni thu le, hi lai hmun a hrawtlang tum thu a hril a. Bryan hi tuok fu hlau naw sien, ieng thil am a chungah a tlung ding ti chu nuhmeinu hin a hrietthiem hmel hle. Bryan kuoma chun lawmthu a hril mawl mawl a. A rumrawk bawm khar pumin Bryan chu an nui sat a. Nunghak chun dei tia thi ding ngirhmuna um sansuoktu chungah pawisa ieng zat khawm pek an huom thu a hril a. Bryan um naw sien a thi ngei ding ti an haih nawh. Bryan ruok chun pawisa tieng a ngaituo naw a. “Hi thil hi sin a tling naw a. Thangpuingai ka thangpui ringawt che a nih. Ka hun liemtahaiah khan iengang thangpuina am ka dawng ti Pathienin a hriet. Hiengang nun nei ka tum a, thildang a um a rem nawh,” tiin a hril a. Bryan chun pawisa hi pek a nuom tak tak a ni chun, thangpuingai a hmu hunah thangpuina a mamaw ang tak pe lem dingin nunghak a hril a.
Motor-a chuong ve dingin nunghak chun Bryan a fiel a. Sienkhawm, Bryan chun kawitana (short-cut) fe a tum thu le, an umna khel el chu an inthena ding a ni thu a hril a. Nunghakin motor a sukhringa a tlan suok chen Bryan hin a nghak a, a thlir liem ta a. Bryan ruok chu thlasik khuo dei hnuoia chun in tieng panin a fe nawk pei a. Lungrilah a nuhmei naupai inrik tak puma dawr nghak chu a ngaituo zing a.
Mel (miles) iemani zat a tlan hnung chun dawr inhawng a hei hmu a. Nunghak chu tumin a taksa suklum ding le insukkhawp dingin a va lut a. Chu lai hmun chu a ta dingin hmun thar a ni a. A hmel enin chu dawr chu a lun nawh ti an hriet thei. Dawr nghatktu chu a puonte (towel) chawiin a hung suok a, mikhuol nunghak sama tui hu dap chu a hruk hul pek a. Dawr nghaknu chu naupai inrik tak a nih ti an lang a. Amiruokchu a hmel a hlim sieu a, sawl hmel hrim hrim a put nawh. Bu a fak zo chun nunghak chun dollar 100 a nghaktu kawlah a pek a. Dawr nghaktu chun pawisa nawi a hei zawng vel a. Hun a lak sawt deu leiin nunghak chu a lo suok hman a.
Pawisa letkir tuma a hung chun nunghak a hmu ta naw a. Makti takin a zawng vel a. A thungna a va en chun inhrukna puon chunga thuziek a hnutsie le, a hnuoia dollar 100 pali a maksan a hmu bawka. Nunghak thuziek a hei tiem chun a biengah mitthli a far ngiei ngiei a.
Hienghin an ziek: “ Ieng thil khawm bat i nei nawh. Tuta ka thangpui ang char che hin keikhawmin thangpuina ka dawng. Mi rul i nuom takzet chun hienghin lo thaw ve rawh: Hi hmangaina suonkuol (chain of love) hi nangah in tawp tir naw rawh.”
Chu zan chun dawr nghaktu chun zal hmunah hmangaina a dawng dan chu ngun takin a ngaituo a. An sungkuo mamaw zat chie nunghakin a hang sie pek chu mak a ti tawp thei nawh. A sira zal a pasal, a taksa sawl leia imu inhnik taka in a hei en a. Krismas khawrsaw ding ngaituo’n a lu an hai hle a nih ti a hriet. A pasal biengah fawpin, “Iengkim tluong pei a tih – Ka hmangai che BRYAN,” tiin.
“Min in chunga an thaw dinga in dit ang peiin mi chunga khawm thaw ve ro (Luka 6:31; Matthai 7:12)” ti chu a hung tlung tah.
Thlarau le taksaah midang ta dinga Krismas thilpek hlu tak intluntu ni dingin hratna thar nei mawl rawh!
Iengtin am Lal chibai buk i tum? :Kum 2015 Krismas beisei takin ei tung a. Pathien thuoina zara thuoitlung ei ni chun kum dang ang lo takin, hlawk taka hmang hang tum inla. Mani tiengpangah khawm duthusama hmang tum bawkin, iengtin am Krismas thilpek hlu tak ei siem thei ding aw....? ti hin ei ngaituona hang thuoi sien. Thlarau tieng thil chau invawi lovin, mihaiin thlarau malsawmna an dawng theina dingin, taksa ramah a phuhruktu ei ni thei ti hi ei pawm a pawimaw ka tih.
|halaihai hin ieng am thaw thei ei ta?: Tlangram le khawpuia thalai a tam lem chu nu-le-pa thawsuok ringa khawsa ei nih. Mimal ang chun thilpek lien tak thaw a lo harsa thei. Amiruokchu, ruolcham ang zawng damin, annawleh kohran thalai department ang zawng khawmin mihai ta dinga malsawmna intluntu ei ni thei hle a nih. Krismas tawm hin kohran thalai department tam tak chun mani sungah “Gift Exchange” dam ei thaw a. |halaihaiin ei hlimpui ang hu chun rawngbawlna huongah a thaw hlawk lawm nawh. Chu nekin, ei thaw ta rau rau chun hienghin hang thaw lem inla: Thalai member a thei povin ei ngam tawk sie inla. Chu chuh khawsunga a mamaw le tlasamhai kuomah pein, an ta dingin Krismas thilpek hlu tak ei siem thei a nih. Chuonganga ei thaw chun, mihaiin thlarau malsawmna an dawng hma hauin taksa ramah lo dawng an ta. An hma thuoitu arasi, naute kuom thuoitlungtu a ni thei.
Darthlalang : Pa pakhat, sin thaw mumal nei lo hi a um a. A thawkna company chu an khar ta leiin a rem rem thawin sungkuo a enkawl ve a nih. Krismas a hnai ta leiin nitina a hlawfa chanpuihai chun an inlawisan zo ta a. Chu lai hmun chu a nu le pa ruong zalna a ni bawk leiin an suoksan ve ngai nawh. Zan khat chu vur tla pheu pheu karah inthim hnuoiah in tieng panin a fe a. Khuo an thimin, lampui chu hmu harsa khawpin a pik a. Amiruokchu, nitina a fe-le-hungna a ni leiin lampui chu a hrietbel vieu. Chuongchun a hei fe pei a. A nuhmei neka inlawi hmasa hlak a ni a. Naupang khata um an ni leiin in tlung vat a nuom hle tah. Ringlo takin lampui sira motor ngir a hei hmu a. Motor chu a hei pan hnai a, a bula dei ti dawr dawra inthung nuhmei chu a zuk hmu bawk a. Nuhmeinu hmela chun titna a um ti a hriet a. Dei tia khak insawi nawk nawka inthin a nih ti a hmu thel nawh. “Nunghak ti naw rawh, thangpui ding chea hung ka nih ,” a hei ti a. “Motor sunga hin hung insuklum la........ Ka hming chu Bryan a nih,” tiin a thuoi lut a.
A ring nekin chu nunghak chu a lo pangngai a. Sungkuo rethei a ni hmel naw a, deiin a man ti naw chu harsatna dang a nei nawh. Chuongchun motor ke chu a buoipui pek nawk nawk a. Motor kawtkhar anthawk chun nunghak chu hung dakin, St. Louis anthawka hung a ni thu le, hi lai hmun a hrawtlang tum thu a hril a. Bryan hi tuok fu hlau naw sien, ieng thil am a chungah a tlung ding ti chu nuhmeinu hin a hrietthiem hmel hle. Bryan kuoma chun lawmthu a hril mawl mawl a. A rumrawk bawm khar pumin Bryan chu an nui sat a. Nunghak chun dei tia thi ding ngirhmuna um sansuoktu chungah pawisa ieng zat khawm pek an huom thu a hril a. Bryan um naw sien a thi ngei ding ti an haih nawh. Bryan ruok chun pawisa tieng a ngaituo naw a. “Hi thil hi sin a tling naw a. Thangpuingai ka thangpui ringawt che a nih. Ka hun liemtahaiah khan iengang thangpuina am ka dawng ti Pathienin a hriet. Hiengang nun nei ka tum a, thildang a um a rem nawh,” tiin a hril a. Bryan chun pawisa hi pek a nuom tak tak a ni chun, thangpuingai a hmu hunah thangpuina a mamaw ang tak pe lem dingin nunghak a hril a.
Motor-a chuong ve dingin nunghak chun Bryan a fiel a. Sienkhawm, Bryan chun kawitana (short-cut) fe a tum thu le, an umna khel el chu an inthena ding a ni thu a hril a. Nunghakin motor a sukhringa a tlan suok chen Bryan hin a nghak a, a thlir liem ta a. Bryan ruok chu thlasik khuo dei hnuoia chun in tieng panin a fe nawk pei a. Lungrilah a nuhmei naupai inrik tak puma dawr nghak chu a ngaituo zing a.
Mel (miles) iemani zat a tlan hnung chun dawr inhawng a hei hmu a. Nunghak chu tumin a taksa suklum ding le insukkhawp dingin a va lut a. Chu lai hmun chu a ta dingin hmun thar a ni a. A hmel enin chu dawr chu a lun nawh ti an hriet thei. Dawr nghatktu chu a puonte (towel) chawiin a hung suok a, mikhuol nunghak sama tui hu dap chu a hruk hul pek a. Dawr nghaknu chu naupai inrik tak a nih ti an lang a. Amiruokchu a hmel a hlim sieu a, sawl hmel hrim hrim a put nawh. Bu a fak zo chun nunghak chun dollar 100 a nghaktu kawlah a pek a. Dawr nghaktu chun pawisa nawi a hei zawng vel a. Hun a lak sawt deu leiin nunghak chu a lo suok hman a.
Pawisa letkir tuma a hung chun nunghak a hmu ta naw a. Makti takin a zawng vel a. A thungna a va en chun inhrukna puon chunga thuziek a hnutsie le, a hnuoia dollar 100 pali a maksan a hmu bawka. Nunghak thuziek a hei tiem chun a biengah mitthli a far ngiei ngiei a.
Hienghin an ziek: “ Ieng thil khawm bat i nei nawh. Tuta ka thangpui ang char che hin keikhawmin thangpuina ka dawng. Mi rul i nuom takzet chun hienghin lo thaw ve rawh: Hi hmangaina suonkuol (chain of love) hi nangah in tawp tir naw rawh.”
Chu zan chun dawr nghaktu chun zal hmunah hmangaina a dawng dan chu ngun takin a ngaituo a. An sungkuo mamaw zat chie nunghakin a hang sie pek chu mak a ti tawp thei nawh. A sira zal a pasal, a taksa sawl leia imu inhnik taka in a hei en a. Krismas khawrsaw ding ngaituo’n a lu an hai hle a nih ti a hriet. A pasal biengah fawpin, “Iengkim tluong pei a tih – Ka hmangai che BRYAN,” tiin.
“Min in chunga an thaw dinga in dit ang peiin mi chunga khawm thaw ve ro (Luka 6:31; Matthai 7:12)” ti chu a hung tlung tah.
Thlarau le taksaah midang ta dinga Krismas thilpek hlu tak intluntu ni dingin hratna thar nei mawl rawh!
****Blessed Christmas and A Happy New Year****
Tags
Thusep (Article)