Google le an product hi hril ding a tam a. Hieng ang thu hril ringawtin mi tam takin fak hmunan an nei hrim a. Chuonghai laia thang ve phak chu ka ni hran naw a. Ei tawnga tiem ding hieng ang thu buotsai hi ziekmi (ka mimal inhnikna zara kan ti ve el a nih) ka ni vena zara ziek el ka nih. Amiruokchu, a sang (in terms of thousand) a sanga tiem ding hlawsuok naw langkhawm, a lut chu a um ve nih ti kha tiemtuhai le, internet tienga hma lah la pei dinghai hriet dingin ka zuk hap ni sien.
Hun hmasaah khan Youtube le Internet Khawvela Fakzawngna ti ka suklang ta. Kimchang naw sien khawm, a thubul (central idea) ei hriet thei ka ring a. Chun, tiemtu Hmar mi internet hmang 50,000 bawr vel, khawm chu regular taka hmang hi 10,000 khawm la tlinglo ei ni laiah, a za tel an um pei a. Ni tinin an pung pei leiin phurna ka nei a. A pawisa siemna kawngah, Hmar population hi target khawp chu a ni naw let der a. Amiruokchu, mani hnampui hai kuoma ei hriet ve sun sun suklang chu tha ka ti bawk tho leiin, ziekna sin ei la bansan naw nih.
Eini laia ding chun fak hmuna chu hrillo, thalaihaiin mani pocket money hmuna ding khawm a vang a. Ei khuo hluo ve hai hlak chu in 300 (household) umna a la hei tlawm hrep a. Ui pum khat a Noa zawr zona ding khawm hi a tam naw nih. Inhlawna ding hi a tlawm el an nawh, a signal a de naw tawp el a nih. Chuleiin, internet hi inchuklaihaiin mani inenkawlna khawpin ei hmangtangkai thei a nih ti kha hang hrie inla.
Hieng thu ka hril lei hin Internet hi ei reng a rama ei thaw dinga ka tina an nawh. An hnikhai umna ding a ni a. Chun, hieng article hai khawm hi vantlang tiem ding a ni lai zingin, an hnikhai sunzawm dinga ei ziek a ni bik.
A lampui sirbi (steps) 3 chau la zuk belsa nawk ka tih.
STEP 1
Class XI, XII, BA, MA, a dang dangin inchukin khawpui (internet connection umna) ah i um a. Nitin class i fe naw a, kar khatah class ni 4/5, maximum 6 i fe chang a um. Lekha tiem ngawtin hun i hmang chuong nawh. I facebook, whatsapp, instagram, le a dang dang, movies i en hun le i lenglam hun chu i class fe hun/ or class-a i um sung nekin a tam ka ring. Chuong hun awl chu hmangtangkaina ding, i nuomzawng ni si kha a pawimaw a. Chuleiin, Blog (Free Blog) nei a, chu taka hun hmang chu an thaw chi ka ring.
STEP 2
Blog chu www.blogger.com ah i hawng ta a. In suo ding chu inhnikna zawng a nih. Nitina i thlai suong dan khawm ziekin, annawleh, thawnthu, article, news tlansaltion, thlalak, fashion, a tam taluo topic insuo ding, nitin i update naw khawmin kar khatah vawi 2/3/1 i update chun a huntawk vieu. Blog i blog a hung puitling met charin GOOGLE ADSENSE apply i ta. I tling hunah income chu i nei ding a nih.
Google Adsense apply dinga hriet ding tlangpui chu tuta tum hril nawng ei ta. Chun, i blog chu English khawmin i ziek thei a. Entirna dingin, english subject i lo lak lem chun kar tina write ups (article) ziek chu i ta dingin intat ngeina a ni ding a nih. Hmar tawng khawmin i ziek thei a. I blog update le a sunga thil um i-zirin a tiemtu chu an nghat a nih. A language kha ngaituo taluo ding khawm a um chuong nawh. Asanchu, part time a ni leiin Hmar mi internet hmang mi 50000 vela hin thla tin mi 10000 i nei khawmin a huntawk hle nih.
STEP 3
Google Adsense chu i lo hmu ta a. Advertisement insuo thei an tah (Google Adse hin en rawh). Ads i tar kha mi a entu an tam po leh pawisa i hmu rawn ding a nih. Entirnan - Mi 100 chauin ni khatah i blog lut hai sien, mi 30 vlein ads kha visit/clik hai sien la, US dollar 2/3 i hlaw ding a nih (Condition tam tak a um a, zuk hril zo el ding an naw leiin hu nawk tieng ni sien). Mi 1000 visitor i neinaah click der naw hai sien khawm dollar i hlaw ding a um bawk a nih.
Chun, Affiliate Market a um bawk a. Mi thilsiem (product) entirna- sabawn, sakuo, sana, mobile, a dang chu i blog ah advertise i ta. I blog anthawka luta an inchawk a ni chun 10 %, 15% company policy angin i hmu ve ding a nih. A hlawkzie hang hril vat ei tih.
I blog ah mobile handset Samsung a mi 20,000 man kha i advertise a. I blog-a lut mi pakhatin kha taka inthawk khan a lo order a, an chawk an tah. Cheng 20,000 ah 15% i hlaw ding tina a ni chu.
In khuoa alu zawr nekin a hlawk naw vai chun a mak a nil!!
Khi a chunga ei suk hrilhai khi a ziek ringawtin hin chu ziek kim seng an nawh. Hrietfie nuom nei chun blog-ah contact ei siehai hmangin indawn thei zing ka nih ti kha inhnikna neituhai kuomah ka zuk hril a nih.
Google Adsense
Google Adsense hi Advertiser le Publisher company, Google Inc. ta a nih. Hi taka inthawk hin Advertisement thaw nuomtun a thaw thei a. Advertisement insuo nuomtu khawmin an suo theina a nih.
Blog i nei a, Ads i sie nuom chun, Publisher angin in zieklut ding a nih.
Registration
I blog dashboard ah fe la, Earning um a ta. Kha taka inthawk khan i blog chu Google Adsense ah i submit thei a. Chu naw khawmin, blogspot hmang nawhai chun direct-in an website google.com/adsense/new/home ah lut el ding a nih.
I blog/site chu a URL (address -http://example.blogspot.com) kha thun i ta. I blog ngirhmun a zirin approval i hmu ding a nih. Reject a ni khawmin thla khat hnungah i re-submit nawk thei pei a. Chu sung chun, i blog kha an reject na san i lo siemrem pei ding a nih.
Approval Hmu Awlsam Dan
Tuta ka blog ngei hi Google Adsense ka hmuna a nih. Ka hei hril nuom chu, Post nei zat ah an nghat bur naw a, visitor nei rawn khawm a ni kher nawh. Visitor 2000 ka nei hmaa approval ka hmu nih.
I blog chu a "Smart" ding a nih. A thu le hla kha visitor hai ta dinga pawimaw a ni ding a nih. Chun, video, photo, le article (thuziek) um vawng thei sien, chu chun a contents kha a suk burip a, approval hmu a awlsam.
Kei ngei khawm vawi 4/5 (a zat chie ka hriet ta nawh) ka thaw hnunga ka hmu nih. An mi reject zat hin ka siemrem pei a. Visitor ka buoipui ngai nawh, a contents kha a pawimaw lemin ka hriet. Mi thenkhat lem chu visitor 200 chaua approved khawm an um tho a nih.
Hril ding a tam hle a chu, dittawk nawk phawt ei ta. Chu sung chun hi bloga ka ziek ta sa hai lo en kuol la. Ngaituona thar nei thei i tih.
Tags
Thusep (Article)