By: Gospel Songate
Nu le pa tam takin ei nauhai doctor ni dingin ei dit a, amiruokchu MBBS seat hi a'n chuk nuom ei tam ang huin a la tlawm tham leiin chang a awlai naw hle. Mani sum senga nauhai hang inchuktir dingin sengso a tam ngang el si a, chuleiin medical line chi hrang hrang hieng nurse, pharmacist, compounder, ayurveda, homoeopathy etc, ei hmelhriet a trul tah. Homoeopathy hi damdawi inenkawlna dan chikhat a ni a, kum 1796 khan Samuel Hahnemann-in a hmusuok a nih. Homoeopathy dan chun natna siemtu (substance) kha a sukdamnain hmang thei a nih.
Entirna: Coffee tam tak dawn leiin intheinawna (sleeplessness) a um thei a, Homoeopathy damdawia siem chun coffee hin intheinawna hi a sukbo thei a nih. A umzie chu, mihrisel pangngaiin an natpui chu natna pangngaia na damnawhai ta dingin damdawi a ni ve thung. (A substance that causes the symptoms of a disease in healthy people will have similar symptoms in sick people) India ramah Homoeopathy hi Dr. Honigberger, French mi chun a hung chawilut a. Kum 1828-1830 khan Lahore a lut a, ama hi Maharaja Ranjit Singh, Punjab, natna khirtak, zeng le ke invung nei, tuolsung damdawithiem (physician) hai enkawl dam thei lo enkawl dinga ko a nih. Homoeopathy hi a hung inlar pei a, khawvel pumpui deuthawin an hmang tah. Indian population 10% hin Homoeopathy hi an ringsan a, damdawia a'n lartak, a pahnina a ni nghe nghe.
Homoeopathy inchuk nuomtu ta dingin hlawtlingna a um a, taima le inhnikna neihai ta dingin doctor nekin hmakhuo an thim bik nawh. Homoeopathy hin course pahni a nei a, first degree le postgraduate degree-hai a nih. First degree course hi Bachelor of Homoeopathic Medicine and Surgery (BHMS) ti a nih. Inchuk nuomtuhai chun 10+2 ah science subject lain optional subject-ah Biology nei a trul.
Regular medical course(MBBS) pangngai angin kumnga le a chanve (5 & half yrs) medical training a ngai ve. Hi hin internship kumkhat a huomsa. Central Council for Research in Homoeopathy hi autonomous organisation angin 1978 khan Dept. Of AYUSH, Ministry of Health & Family Welfare, Govt. Of India hnuoiah indin a ni a, hienghaia hin research thaw thei a nih: ‘Survey, collection and cultivation of medicinal plants’, ‘Drug standardisation’, ‘Drug proving’ and ‘Clinical research’.
HOMOEOPATHY COLLEGES IN INDIA:
1. A.M. Shaikh Homoeopathic Medical College, Belgaum.
2. Ahmedabad Homoeopathic Medical College, Ahmedabad.
3. Antarbhart Homoeopathic Medical College, Nagpur.
4. Anushree Homoeopathic Medical College, Jabalpur.
5. Bakson Homoeopathic Medical College & Hospital, Noida.
6. Bhagwan Buddha Homoeopathic Medical College & Hospital, Bangalore.
7. Bharati Vidyapath’s Homoeopathic Medical College, Pune le a dang dang.
ACROSS ASSAM:
1. Dr. Saikia Homoeopathic Medical College, Jorhat.
2. Assam Govt. Homoeopathic Medical College, Nagaon.
3. Swahid Jadav Nath Govt. Homoeopathic Medical College,G uwahati.
Medical line-a inhnikna neituhaiin MBBS/BDS hmu naw leiin lung sukhnuol el ding a ni nawh. Medical line hrang hranghai khawm hin fakzawngna el khelah, society a khawm hmun pawimaw tak a hluo ve ta zing a nih. Hlawtlingna hi fakzawngna thra amanih, inchukna thraah a'n nghat kher naw a, thaw dan indik le kalphung indik hi hlawtlingna bulpui a ni lem.
Tags
Career