Muolhoi Khawpuia Inzinna - ZONIENG

Thlaram ni 4 khan Tv. Lalsiemthar Hmar leh zingkar rail-in Silchar a'nthawk Muolhoi kan pan a. A hming hming chun Zonieng thiltum pakhat lei le, kan ruolpa nuhmei nei va uopmawi dinga inzinsuok kan nih. 

Chawhnung dar 2:30 velin Muolhoi kan tlung a. Pu Lalnunmawi Biete a inah kan innghat a. Hi zantieng hin Upa Dr. Vanlal Tluonga Bapui chu a chengna in PCI Campus, Haflong-ah kan hang lengchil nghal a, hun hlawkthlak tak kan hmang thei leiin kan lawm hle. Ama Pu Tluonga khawm hin a sin dang po po thrul thrakin a mi lo tung ve a. Keini telul hohlimpuina a mi ngaipawimaw kha kan inphalamna belsatu a nih.

Thlaram ni 5 tuk hin PCI Haflong Biek-Inah kan ruolpa Albert Rosanglien Vaiphei-in dan hninaa nuhmei a nei chu kan hang uop a. Vaiphei valin Biete nunghak a hang nei ding meu kha chu dan neu neu a tam ngang el! An inthruoi hleithei naw a ni tak. Inngai em leia inthruoi ta hnunga ding chun Biete dan, Monu tiengin an hmang kha ka dan ngainat naw zawng tak a nih.

Sun hunah Rev. Dr. Hrilrokhum Thiek a in kan pan a. An nupa chun hohlimna kan tran mawlh mawlh nghal a. Darkar 4 chu a zuk liem nghal el. Pi Lalring hlak chun thingpui le sehme a mi hlui deu zing bawk a, Zonieng team, mobile phone 15,000/- man vel mei meia kan hang interview-puina an mi lo pawmpek hman kan lawm vieu tah kha...! A ieng po khawm chu ni sien, kan thiltum le hmathlir an mi lo hrietthiempui a. Anni le keini, hi piellei thuoriet hnuoiah kan zal pha chun, Hmar hnam ta dingin a va la pawimaw awm de aw....! ti chu thildang po neka a mi turtu a ni tlat a.

Zantieng dar 2 chun kan ruolpa mo lawmna tieng chu kan pan a. Ruk mo lawm ang a ni leiin a puithu hran nawh, a thrang sunhai ruok khan chu kan ngaipawimaw ti a'n lang. Thilpek siete kan inhlan ve a, nunghak leng nuom kan nei leiin kan inrelhmangsan ta dai a.

Haflong khawpui hin 6th Schedule (Autonomous District Council) a thrathnempui nawzie hi, kum 2012-a ka fe truma a hmel ngai ngai a la putzie hin a sukchiengin ka hriet. India rama Autonomous District Council po po a changkang-a-khur a um naw leiin, nawr nawr ding khawm hi niin ka hriet nawh. 


PCI Church Muolhoi


Anthur
 





Post a Comment

Please Select Embedded Mode To Show The Comment System.*

Previous Post Next Post