CHEL EL LANG TLANGIN MI REL AN TIM ?

Kum 2007 lai khan Sikpui Ruoi kan hmang ve a. "Chel el lang tlangin mi rel an tim" ti hla hih A LAILAM ka hei bei ve kha a n'a. A lai lamah a phusa takah ka thang ve a, a thu insamtu ruok chu Lalremkung Puruolte (Netung) kha a n'a, ama hi famkhuo a min lawisan ta nghe nghe a. Nunghak khuo khata a tha pawl tak hei inzappui kha rin ding a lo um naw khawp el a, thlasik dei lai nawk nghala pang lum hang intuok deu sek kha a nih rin um hran lem lo chu. 

Ka hung tlangval ve tan hlim a ni bawk a, khanga nunghak le hun hmang theina kha inhawi ka ti thlawt. Tulai khawvel anga  technology le gadget dang dang la um hrep lo kha, lam inchuk ti vel kha lungril fatu tak chu a ni hlak.

Diktak chun, tulai ang hin tisa chakna thila khawm a la thienghlim a. Khang hun lai khan chu nuhmei kuthmawr hang chel ringawt khawm kha thlakhla khawp a tling. Tulai khawvela ruok chu a zalen hin a zalen ta vawng el si a, a Lailam kher hang thlakhla ding a um ta chuong nawh.

Kha tuma a hla kan sak kha a ziek ka la nei zing a. A sipel ka hei sukdik hnungin ka sietha ve hrim hrim a nih.

1.    Chel el lang tl^ngin  mi rel an t$m (Aw.... rel an tim)?

Mat le riel-ang |hapui ei in\he ding chu, Chhei!

Kim takin lungleng thu hril ei tih.

2.    Bervate khawmin a r<n an lawi (Aw.... r<n an lawi)

Lawi tlang inla |hapui nang leh kan r<nah, Chhei!

Chu naw chu lungkham dang a um naw ie.

3.    Tuorni sa veng vung hmawng lawna (Aw.... hmawng lawna)

Lalngo sawl-ang a vuoi an tih ka phal naw, Chhei!

Chung lum lai ni dul rawh thangvanah.

4.    Thingp<m lawngleng chu ka ringzo naw (Aw.... ringzo naw)

Tupui sen zur chunga thir leilak lo inzam sien, Chhei!

Fam lova mi < hai leng kaina’n.

5.    A ch<nnu’n hrai rieng a chawi suol naw (Aw.... chawi suol naw)

A hung pieng Hmartlangpui v^rp^r arsi, Chhei!

Tangka sang man ding a ch<n chawi s^ng.

6.    Tiena chun khuo hmuna leng ei nih (Aw.... leng ei nih)

Turuola hin chu a leng mi < ei karah, Chhei!

Muolzapui tlangin a mi dang zing.

7.    Limngate suora ka dang hlak si (Aw.... dang hlak si)

Mi < kalchawi ka dang zo nawh tuol tlanga, Chhei!

Sum tam siel an ngen ka phu naw che.