 |
| Gospel Songate |
Social Media Hmang Thiem A Pawimaw
Information & Communication Technology (ICT) ihringsuok laia a lien tak chu social media ei ti rawp hieng – youtube, facebook, twitter, whatsapp, instagram, pinterest, gplus, skype, blog, a dang danghai hi a nih. Einihai hrietlar ve chin chu facebook, whatsapp, youtube le instagram a nih. Hieng social networking po po hi a thiempuipa ta ding chun a va tangkai nasa de! Nang iengtin am i hmang ve ?
Thawsuok nei naw pui pui hai khawma smart phone, social media built-in (sawm) application nei ei chelde fur ta a. Thu lengvak a tamin, a thu bul-le-bal hrietlo “copy paste/forwarded as received” ti hi licence ni awm taka hmanga thu thawndar hrat ei tam vieu ta a; mamaw bak a ni tak meuh. Thu chau a ni nawh, thlalak le limchang (video), a mawi le mawilo, thisen insuona chen khawm uolau taka semdar ei ching bawk. Thenkhat, upa inza nachang hrelo, group khata um lei ela mi tin, ruoltlak bieka hang dawn el ch$ng khawm ei bo nawh.
Hieng po po hi ICT thiltum bak dai a nih. Thlalak pawrche ei ti, saruok thlalak (nudity) khawm ni sien, a umna ding hmunah chu a famkimna a ni na meu ie; KTP group-a ngona zawr dam, kohran committee group-a chanchinthar post dam thil inhme a ni nawh. Thil inhme naw nawkzuol chu Hmar\awng inch<kna group-a Lusei\awnga chanchinthar Post ti dam. A hmun le hun izira thil hi fimkhur taka thaw tum fan hlak ding a nih. Facebook le whatsapp group-hai hin hming an nei seng a. Hming hi hril ding le thaw ding inlangna hmasatak a ni angin, ei group hming ang sengin khawsa tlang inla chu, thukhel thedar le midang natna ding va hrilsuokna ding group a um ring a um nawh. H.S.A. Info. Group-hai khawm information n>kin ins>lna a tam lem ta hlak.
Forward/Copy Paste Message
Tulai whatsapp group-a thu insuo a tam lem chu forward/copy paste a nih. Minute 5 liemta khan virthli-ah i hmu a. I phone notification i zuk hawng a, virthli-a post kha “copy paste” ti’n in thalai committee group-ah i tiem a. Bu i fak khawpin phone notification i en nawk a, H.S.A, group-ah nakie laia i tiem ta khah i hmu nawk a, nghawk a um zozai ti raw...?
Thu hi a dawngtu zirin ngainuom a umin a um naw thei. Thuziek, hawrawp thuhmun char kha pakhatin \ha a ti vieu thei a, pakhat dang ta ding chun a thil inruk puongdarna a ni thei bawk. Women Empowerment hi Hmar lai a pawimaw a ni thei, Khasi laia ding chun Men Empowerment a ni ve thei nawk si. Thil \ha ei ti hi hril le semdara umzie um ding a ni vawng naw a. A mamaw le a dittu, a tulna hmun hriea semdar lem ding a nih.
Mi pakhat thlaisuong i hmu a. Alu a zeu mek lai chun, vawksa hmepawk inhnik thu zer farin va hril hrep la, vawksa hmepawk ding i pek si naw chun ieng am tangkaina a um chuong a? Khel lem chu i hril nawh, hi huna ding chun vawksa nekin alu kha inhnik deua zeu a pawimaw tlat si. Thudik le fel hin mi a siem\ha vawng naw a, ei hlawkpui kher naw nih ti hriet a pawimaw.
Chun, mi thuziek lo semdar vet hi midang buoinaah van tatlut thei a nih ti khawm theinghil naw inla. June ni 10 laia Karbi Anglong hmuna Assamese tlangval 2 thina le, July ni 5 laia Mahur hmuna sadhu-hai chunga tlung kha social media rasuok tho a nih. Khangang thil kha eini lai tlung naw nih ti ngam a ni nawh. Vawisun hun anga ei fe pei chun la tuok thei ngai ei nih. Tuhai verther leiin amanih Upa Bieka khawm a tho nawk an ti’l kha. An hmu bik khawm ni derlo khah...!
Chun, mi’n tul a tina hmuna an suo hla, thuziek le thil dang dang lo semdar hi a neitu hmakhuo suksietna lien tak a nih. “Mi lo semdar p>k ro” an ti naw chun, ei k<t lo inza vieu naw raw seh.
Chanchinbu Mihai Kuong
Siet that a tlungin, chanchinbumi ei tam. Chanchinthar hi a hman hmanin social media-a insuo ding ni sien chu sawrkarin dan le dun zam naw nih. Tuoksiet tuokna hmuna \hangpuina mamaw thu chu, chu lai hmuna um chun inrang takin a thaw ding hrim a nih. Thu kimchang le mipui hriet dinga pawimaw chu News Reporter-hai chanpuol a nih. Reporter-hai um remchang nawna hmuna chun tlawma a dawnrilmi deuhai intuoin^m tir inla. Chu hnungah felfai takin insuo lem hlak ding a nih. A post hmasatu ni inchu ding a um naw tawp el !
Vantlang Zawm Ding Le Hriet Ding
Social media, abikin whatsapp fethlengin thukhel le tharum thawna buoina intlun thei thu thawndar a tam a. Tulai hnai ringawt khawm mipui kutthlak (lynching case) leia thi hriet ding a tam hle. India sawrkar khawmin whatsapp thuneituhai an rang thei anga hma la dingin a vau a. Whatsapp hin tharum thaw dinga infuina (triggering violence) thuhai lo peithla thei te reng sien khawm, Hmartawng lek lem chu an hriet awm si naw a, sawr pha chuong naw tawp ei tih.
Thuthang lenglak kara ei him theina dinga Whatsapp company-in a hmangtuhai hriet dinga an suohai le thu thenkhat hang suklang ei tih.
1. Hun tawite hnungah whatsapp hin forwarded message hriet theina ding (feature) an suo ding a nih. Thu a ziektu diktak hrietlo chu semdar hri naw phawt ding.
2. Inlauna khawp rak thil amanih, lungsenna ding khawp thu i hmu chun, midang thawndar kher lovin nangah suktawp la. Dan angin hma la lem rawh.
3. Thu awiumlo rak khawpa dangdai chu thudik a ni naw tlangpui ti hre a, semdar inhmaw lo ding.
4. I thu dawng kha English a ni chun a grammar en chet chet la. Grammar indiknaw tam tak a um chun ringhla a um. News agency indik anthawkin grammar indiknaw a um ngai mang nawh. Hmar\awnga ding khawmin hi hih ringtlak a nih.
5. Thlalak le limchang (video) i hmu hin awium takin an lang hlak. Thlalak le limchang hi siemchawp (edit) thei a nih. A lim chu a tak, a thu chu thukhal a um thei bawk a. Thlalak le limchang hi a suokna internet anthawk zawng thei a nih.
6. |henkhatin mi awizawng takin chanchinbu langsarhai website link dam an sie hlak. Link-ah l<tin a um ngei am, a link kha i lo hriet ta hlak a ni ngei am ti a sipel chieng takin en rawh. Internet/website links hi siemchawp thei tak a ni bawk.
7. Chanchinthar le thu danglam i hmu pha awi nghal el naw rawh. Hmun dangah khawm zawng la. Hmun tam takah a um chun thu danglam deuhai hi ringtlak a ni chau.
8. Thil i semdar dingin i lakna, i semdar nuomna san, a hmutu ding le a kakhawk ding ngaituo zet rawh.
9. Whatsapp le social media dang danghai hi i tangkaipui chie naw chun hmang kher a tulna a um nawh.
10. Thu diklo inthang hi a lien bik rieu hlak.
11. Message thawntu che kha fie hmasa tum hlak rawh.
12. Mi bengvar le hawihawmhaiin thil an thawndar ngai nawh.
13. Social media hmangtharhaiin thil thawndar an ching.
#Hmasawnna Thar
Tags
Thusep (Article)