Hla Ropui "Jesus Take The Wheel"

Hla hi ka ngaithla rawn anghu hin a thu ka sui set set lem naw a. Tawng dang hla lek lem chu a thu nekin a thluk hi a ni tlangpui a mi kuoi hmasatu chu. Hmar hla bika ding chun tawng thluk a ni ding ang ni zan loa an lam hin a mi deng fawk hlak a. A thu le thluk chu a ni ni lo ni sien, hieng tieng hi ka dilsutna tieng a nih.

Carrie Underwood

English hla hrim hrim hi a thu hrietfie ding chun ngaithlak ngun a ngai a. Chun, a ziek le inthuo naw chun a zieka um lam ri ve lo a tam leiin a umzie ei paw vawng nawh. Hmar hla ruok chu a ziek lam kan a um ve ngai naw a. A ngaia ngaithlak khawm hin a fie hle tho. Hla inrang tak tak mingohaiin an sak lem hi chu mani hlim (shadow) hnawtphak tum ang hlawlin ka lel phien el.

Hi hla ropui "Jesus Take The Wheel" ti hla ei hang hril chun, a saklartu Carrie Underwood ei zuk mithla nghal a. Carrie hmelthatzie le a hlasak thiemzie chu hang hril rak a ngai naw a. Ei tum tak ruok chu hi hla thu hang sehnip  a nih. Chu laia chun, hi hla inlarzie le khawthlang rama a tlak natzie ei hriet hmai nuom a um nawh: Billboard Hot Country Song chart-ah a "Tak (insangtak)" nina kar (weeks) 6 lai chang thei a ni a. Chun, Hot Christian Songs chart-ah an sang hle bawk a. Billboard Hot 100 ah TOP 20 a kai bawk a nih.

Brett James

Mi tam takin thlarauah an hlawkpui khelah, Carrie hin Awards tieng khawm hi hla hi a vangneipui hle a. Grammy Award Best Female Country Vocal Performance le Best Country Song a lak a. 2005 Academy of Country Music a dawng bawk. CMT 40 Greatest Songs of the Decade ah palina a nih. Hienghai po po lei khawm hin hla ropui a nizie chu ei hmu thel nawh.  Chauh hi an nawh, Awards tam tak Carrie hin hi hla hmang hin a dawng a. Taksa ram takah hi hla kum 2005 a a siem hi a vulpui hle nih.

Hi hla siemtuhai chu: Brett James, Hillary Lindsey le Gordie Sampson an nih.

A tir chun thawthu anga an ziek ni sien khawm, hi le inhme tak el an ni lai chanchin lo nei an um leiin an hung siemrem a, hla ropui tak a hung ni tah.  A hla ei zuk hril hin a phuoktu Brett James khawm theinghil chi an nawh. Ama hi Hla ziektu inlar a ni a. Eini lai chu 'Hla Phuoktu' ei ti deu a, khawthlang rama chu 'composer' ti nekin 'Song Writer' ti hi an uor lemin ka hriet a. Hla hi a phuoktu mimal nuna inthawka inirsuok a ni vawng nawh. Mi chanchin an hmu le hriet dam, ngairuotna le suongtuona khawvel anthawka an ziek suok tam tak a um. Hla po po a hring vawng naw a, ei hriet charin ei dit kher bawk nawh. Hring hun a nei a, thawk hun bik te hi a lo um.

November ni 10, 2017 tuk hin a hla ziek leh ngei "Jesus Take The Wheel"  ti chu biechieng ka hei tum chun, fie tak chun ni danga ka lo hriet dai tah chu a thar takin ka zuk ngainuom a. Hi tuk hin ka la hei ngaithlak nghe nghe a, a umzie le a hla thu phena lemchang fie tak chu ka hmu ve'n ka hriet. 

A TIENAMI ANGIN:

Chistmas urlawk Zirtawp zantieng chun a nu le pa hmu dingin Cincinnati tieng a pan a. Cincinnati hi an sungkuoa pasal a nei hmaa an khawsakna ni ngei a tih. A car hnungah chun a naute an thungtir a. An nufa chun Lal pieng champha hmang dingin inhmaw takin an tlan a.

Kilometres 50 lai tlan a la ngai ding, khuo hlak chu an thim el ding an tah; huoisen taka a naute le chaua an tumram tlung dingin ringna a nei chau el bakah, a motor khawm chun thautui a nei tlawm ta hle. Hun harsa tak chu a ni ngei!!  

A lungril suongtuonaah thil tam tak a hung inlang a, sienkhawm ngaituo sap dingin hun a nei nawh. An tumram pan chun hrat takin a tlan pei a. 

An leh, chuonga ngaituo mumal nei hman loa an ngai lai chun a ngaituona chu a lo invir nasa hle a. An motor chu thunun thei bak rakin a lo tlan hrat a. Chuong ang ngirhmuna um an nih ti an hriet chun thaw ngaina a um ta nawh. 

Lampui hlak chu vurin (snow) a sip a, a brake a sir chun lampui thlangah an tawl liem tho ding; hem kawina ding um bawk si lo. A mangang ta em em el. A beidawngnain van ur el sien khawm mitthli farna hun a nei nawh. 

A hamhai taluo beidawngin a kut inthlain a phar suok a. Ni danga Van Pathien hming lam zen zen lo nu chun, 

"Isu, nangin khal rawh,

Ka kuta inthawk hin la hmang la;

Ka khat chun ka thaw thei ta nawh,

Ka thla tah nangin khal rawh."

"Hun tha vawi khat dang mi pe lul la,

Hi lampui kan hraw mek anthawk mi sansuok rawh;

Isu, nang a khaltu ni rawh,"

tiin a kheksuok a. Pathien kuoma a tawngtaina nuhnungtak khawm a hriet ta lo chu mak takin a beidawng chu van Pathien a ko lawm lawm el ta a nih.  Motor hrat tak sukchat ngaina um ta lo, lampui innal tak chunga tlan nufahai santu ding Pathien anthawka thilmak naw  beisei ding a um nawh. Hi nu khawm hin a hriet leiin a hun nuhnungtak ding, an nufaa an liem el hma chun Isu a ko ta chiem el a nih.

A boruok dei lei chun a pang khawm a hip vawng a. A kut pharsuok chu a lak thlak a, A mit a hei meng chun mak tak elin an chuongna car chu a lo ngir ta zing el!!!

Chu thilmak chu Isu naw chu a thawthei an um tawp awm si nawh. 

A hnunga chuong a naute a hei en a, iengkhawm an hun tawng hre loa lungtum inthut taka in innghil a hmu chu lawm leiin a tap ta hawm hawm a. 

Hun sawt taka inthawk Pathien biea tawngtai ngai ta lo chu a lu kunin Pathien hmaah a tawngtai a.

"Ka hringnun ka hraw mek lei hin i kuomah thupha ka hung chawi,

Tuhin chu inthlakdanglam dingin hun ka nei tah,

Vawi zana inthawkin I ta dingin hring ka tih," tiin.

She was driving last Friday on her way to Cincinnati on a snow white Christmas Eve
Going home to see her mama and her daddy with the baby in the backseat
Fifty miles to go, and she was running low on faith and gasoline
It'd been a long hard year
She had a lot on her mind, and she didn't pay attention
She was going way too fast
Before she knew it she was spinning on a thin black sheet of glass
She saw both their lives flash before her eyes
She didn't even have time to cry
She was so scared
She threw her hands up in the air

Jesus, take the wheel
Take it from my hands
'Cause I can't do this on my own
I'm letting go
So give me one more chance
And save me from this road I'm on
Jesus, take the wheel

It was still getting colder when she made it to the shoulder
And the car came to a stop
She cried when she saw that baby in the backseat sleeping like a rock
And for the first time in a long time
She bowed her head to pray
She said, "I'm sorry for the way
I've been living my life
I know I've got to change
So from now on tonight

Jesus, take the wheel
Take it from my hands
'Cause I can't do this on my own
I'm letting go
So give me one more chance
And save me from this road I'm on."

Oh, Jesus, take the wheel

Oh, I'm letting go
So give me one more chance
Save me from this road I'm on
From this road I'm on
Jesus, take the wheel
Oh, take it, take it from me

Oh, why, oh

Ei nun tluong taka ei hmang thei lai chu Krista hi ei ngaisak nuom nawh. Harsatna le beidawngnahai chu ei nuna Krista hmel inlangna a lo ni zing a. Beidawngna khur ruoma inthawk a mi keisuok hin ei lawm em em a. Sienkhawm, ei lo inphat nawk el hlak chu nih. 

"Isu, ka nunah a KHALTU hung ni rawh! Kei chun khal ngaina ka hriet ta nawh," ti a, mani theina beidawng le, Ama Isu-ah beiseina insang tak neia ei ko chun an hnu taluo hi a lo um naw dingzie chu hi hla anthawk hin hriet thei a nih. 

Vawisun hin i taksa a la hrat a, sum le pai hmang ding i la tlasam naw leiin i awm i dawpar a ni thei. Natna khumah dam dinga beiseina um ta lo, far le zuorhaiin thi dinga an mi bawisawm huna chu a mi santu ding um ta naw ni hai. Pathien chau naw chu tukhawm thina anthawk mi sanhim naw nih.  

Nitin el hin ei hun tawpna a ni thei a. Tukhawm vawisun accident leiin thi naw ning a ti thei ei um nawh. Pathien zara hrisel taka ei dam khawmin kum ei nauhai dam chen chen ei dam chuong naw ding. "Thi thei tang in tih"  a ti hin ei thi ding a nih ti hi pawm thlap a. Khawvel khawsaknaah ei lo buoi deu khawmin, Isu hi a khaltu ni sien, nun hi hadam le mawi takin hmang ding a nih.

~Gospel Songate

10th Nov. 2017