Thuthlukna Hautak: Thawnthu Lungsietum



(Ruolkhum ta dingin tawngsephur hnuoi ramah hin thil pahni chelkawp a rem naw a, pakhat lem lem a'n thla a ngai: Saisena chawilientu a nu Zovi le a nuhmei Puii kara thina nunrawngin ramri a khang dan chu hi thawnthu innghatna a nih).


By: Gospel Songate

“Trawngnan “hun sawtin lunglêng a thawidam” an lo ti hlak a. Khuma ta ding ruok chun á¹­ap lai puon-ang bâng tik a um thei nawh. Hun le kumhai a liem a, khawvel pârmawi tam tak khawm an vuoi zo tah; a thuthlukna hmanga a pawmlai sûngpuinu hringna meu a'n thlana zunzam chun trinsan hrim a tum nawh. A nuhmei pûr do rêng rêngin nunkhuo a vuiliem a, a hraichawi lenghaiin thudik an hriet huna an mawsiet ding mawlh dawnin a mit a hul thei nawh. Hringmi ta dingin vawi khat thi ruot a ni a, chu ang bawkin sûl sunga lut nawk a rem nawh. Khuma ta dingin hringkhuo a chang reng hi insirin van a ur; phut thar nawk thei ni sien, sienkhawm, ni le thlahai chu tuiluong angin kîr rêng tum lovin, chatuona dingin an liem pei si………….

Zîng nisa-suok mawi takin thildanglam rak an tlun pek naw a. Thlang kawl rawnah chung tûrni an her liem khawm chun a rik phurhai a zângkhai pha chuong hek nawh . A hnuoi hringnun chu hun sawta insuktlai tumin, trapna varal kai dingin luoithli leh an hraileng nauduothai a parawl pui tah a.

Kum 2004 Tuolbuol thla chun kum dang ang bawkin Khuma le a nuhmei Puii chun phailo (lo hla) nei tumin rampui an riek lut a. Khuma hai nupa duthusam rama chun lo lien tak neia sungkuo fak khawp thlo dawk chu a lien hle a. Kum nawk ela nau hi-sikul lut ding nei an ni ta leiin tlawm tlawma hmarcha le sie-a sumfai lam khawm an tum rûk bawk. Chulei tak chun ramchang mi la tuklo ram an hnawt á¹­awk á¹­awk a nih. Nupa inthuruol le inngai tak an ni angin kawng iengkimah an inthlawp a, ruol dang ngai lovin an nupa te chun rampui pik tak chu beiseina lien tak neiin an tuk a, sawl hmel an put nawh. An lo vat chu a hnuoi a á¹­ha hle a. Châl êk inthir á¹­ek á¹­uk chun Puii tha a sukfan a, nuhmei lungmawl ta ngei ngei chun hmarcha zawr hun ding chen a sîra thlansaphulkaia um a pasal Khuma chu a hei hril khum ve bawk bawk hlak a. Sawl hle hai sien khawm beiseina hring an nei lei chun an khattawkin an innui ve nawk hawk hawk hlak. Chu ramngawpui sunga chungleng vate in chiek mur mur kara chun Puii inkieu ri chun ralkhing a khawk vawng vawng a. Hi lai ram hi a pil á¹­hat lei ringawt hin minazawng nei ngam a ni naw a. Ramsa an huongintau el khelah malaria hrikphur mise le á¹­hangá¹­ham lakah inveng fimkhur a ngai em em a. Chu risi (risk) chu Khuma hai sungkuo hni hin an lak a nih. A ni tak ie…. Hlawtling ding chun thil hrim hrim hi huoisen le tumru taka thaw a
ngai a. Bawbuok chang a um a, thawfuk chang a um bawk. Mihriem hringnun hi hlimtha ang a na, ei hlimpui rak rak thilhai khawm hi zîng ela ṭaphla suktamtu an ni nawk el hlak. Ṭi a um ti lei ringawta thaw naw el hlak chu a ni thei chuong si nawh. Sapeltuhai khawmin sakei chu sahrang a na, hêl el ei tih, an ti ngai nawh. Chu lai ram pilrila thing le ruohai chu an dawnlungruk hril dingin an mawi si
nawh. Zu le va, rannung, mise le ṭhangṭhamhai khawm chun an lungtum rêng hril lovin Khuma le Puii chun an hmaa thil hungtlung ding hre lovin an pu fan fan lem a. A ni ngei, hrie ni hai sien ṭangah inpawmin âm takin hun tawite chu an hmang ding bah!! Chu ramngawpui dum duoi, sûngkuo hlimna intluntu dinga an beisei chun hlimna ni lovin ṭapna intlun a tum a lo ni zing si.

Ni le thlahai an thar a, Thlahmur a hung inher suok a, zaupui a hring duoi tah. Rahmasa le thlaihna tam tak a tlung ta bawk. Khuma le Puii khawm thlo hma ngûk takin an pu a. Kawl nisa zuiin sin an thaw a, sin inrim hle hai sien khawm khuonu tuorem nupa in ti ngam ngat an ni meu leiin ‘Dittak le Bahrakhur’ ti ang deuin hlimna thuruk an nei a, chantawka lungawi hmel an put hlie hlie. A vât
hun lai an lo thaw nasa deu leiin pakhatte thlo hne harsa deu dingin an lang a. Chusa khawm chun mâk el an tum nawh, a hma nekin an fe ngûk a. Lawmhai zuiin an kut thlakna hnung iná¹­hûl an tum awzawng nawh. Hun tam lem an nupa chun loah an hmang a, Chawlni ti lo khuo le vênghai khawmin an hmu phâk ngai nawh. Sin an inhawmthaw em leiin thei le theilo hril lovin an nauhai an maksan a. Kâr inhla rak an ni naw leiin Khuma nuhaiin an lo enkai chang a bo naw a, an sangsie lai tak a ni bawk leh loah an riek khawmin in tieng ngaituona a thi thei chuong nawh. Hi khuo fakzawngna lien tak chu tlâng lo nei hi a ni a. Sungkuo á¹­henkhat a thawkawp theihai chun sin dang khawm an pakai thei bawk. Fûrsiet vânglai tak chun khuo dang le infepaw a harsa a. Inbiekpawna a um mumal naw a, nat le sat vela rawn ding damdawithiem an um naw a, kawng iengkimah a hnufuol hle nih. Chuong ang hmuna khawsa an ni leiin Khuma hai sungkuo ngirhmun khawm a nghet hran naw a. Amiruokchu, Khuma’n lungvar nei takin chapchar lai thing a ât khawl hlak a. Chuonghai chu zawrin fursiet an do thei a, buoisie lovin á¹­ei an man phâk hlak. Khuma hai nupa ta ding chun nitina lo fe chu
khawsakzie a na, chu nunphung thlakna ding khawm chun inrim taka lo sin thaw naw chu kawng dang a um chuong nawh. An fe a, an thaw a, khaw dur khaw á¹­hatin thu a hril nawh. Chu rama chun hun tam lem an hmang a nih.

Ni khat chu vairik tlangah a khat chau te hin Puii a hung inlawi tlat a. An inkawl ela naudawna um a tarpinu Zovi chun iengti ziea hung inlawi am ti a hei indawn a. Puii chun a dam a á¹­hat naw thu le, an thawkkhat inzâng a ni ta tho leiin u Khuma a hung mâksan el thu a hril a. A tarpinu chun a thei ang anga lo bawisawmin a faklai thlansatna damdawi mum hni a kawl chu Puii a pek a. Ama zovi (Khuma nu) khawm hi kar khat lai sikser natna leia ram suok thei ta lo a nih. Amiruokchu, pangsa ser sera in hung pan ni sien khawm Puii chun awlna hman a hmu nawh. Naupang lo chêt tlatna insung ti takah sukfel ding an zawt nuoi a. A bat bata a hei thaw chun khuo a lo inthim nawk ta der a. A naunu thla 20 mi lawm kar nghakhla’n bu hai fa relin a hei insukfai zo a. Hun a lo fe diei ta a, AIR Aizawl prokram khawm a tawp ta nghe nghe a, naupang mengna hun a ni ta nawh; sawl hadam dingin Puii chun kar khat sunga khumlaizawl a kaina dingin imu an tuo ve ta a. Thla khat sung chawlni ti lo inlum an del hman naw a. Puonpha innem dap chungah an zal zen zen phâk nawh . Bakah, mise le á¹­hangá¹­ham karah imu an den tak tak hman naw a. Sin inhawmthaw ngawta khawsa an ni leiin
lungmuongin zan hun khawm an chawl hman naw a, zal tawma ‘Mangá¹­ha’ inphur khawmin imu a sukhnik chuong tak tak nawh. Ṭuah mei an sit êng a, Khuma’n leidar, hnam, kawngvâr le a thiemthil danghai zan intawi nan a ta a. Chuong ang bawkin Puii kut khawm a awl chuong nawh. An pa thuomhnaw inek phawk á¹­ulhai chu a thei ang angin namthlâka chun a buoipui ve mawp mawp hlak a. Chuong ang chun buoi rêng rêngin hun an hmang liem a. Tulai khawvel angin Mobile handset-a hla ngai theina lo hmuphâk ve ni hai sien, chu ram pilrila chun zan hun hmang rinumna khawm nêp deu ding kha! Phillips radio inkhaw sak sakin Khuma’n pai de hlak sien khawm, an zu khawlbingna
hmun an thûk leiin khawsak station bâk a man fu naw a; China radio station-a á¹­awng maksak pui pui hlak chun tlangram-pa lung a dum zo hlawl si nawh. “An hun tawng le khawvel pheikhai an ruol zo naw a,chu ngei chu nupa inhmangai em em hai kara á¹­hena thu thlungtu chu a ni tlat si.”

Hi zan zet hin chu imu inhnik dingin a taksa sawlin a hne ta bawk a, a innghil  bawr bawr a. Tawnmang chen neiin, chu a tawnmang rama chen khawm chun an lo riekna hmun a hmu nawk ta fan tho. Puii zan tawnmang rama chun: ‘ Ṭu sungah dei tia inthin dawr dawrin a lo um a. Chuong lai chun thangvan zawla chun sûm nel um lo tak tak hi a zîng chuoi bawk. Hun sawtnawte hnungah chun ruo mal a hung tla ser ser a. A hei dâk fân vel chun lo mawnga Khuma a khat chauva hlothlo chu a zuk hmu a. Rapa sehrietpuon lain zu zawn a hei tum a, sien khawm a che sawn thei rêng rêng nawh.’
Chuonga mang a nei zing lai chun tlangsam rawlin a sukhar a. Tlangsam chun vengsakah siettuok an um thu le, nunghak le tlangval miruong la dinga fe seng dingin a hril a. Sana a hei en a, vará¹­ien a ni á¹­ep ta leiin khawfîng chat huna ngaiven zui dingin a in zawm nawk a. Chawm khat hnungah chun Puii chun a mang ngai bawk chu a hmu nawk a: ‘Ṭu sungah chun a lo la um zing a, Khuma khawm chu a umna ngaiah a la um zing. Amiruokchu, thil pakhat a danglam ve thung; á¹­u chung zawnah ruo sûr ta lovin Khuma chungah chun a la tla pher pher zing a. Ṭu chu kawl nisa tla tawm sen ruoi chun a hung khaw êng a. Theitawpa tha sangin Khuma zu pan a hei tum a, sienkhawm phur rik tak del ang tawp chun a tho zo chuong nawh. Chuphingleh sehrietpuon chu khit tawmin Khuma tieng a hei deng a. “U Khum U Khum, i sira kha in sukhulna ding ka hung deng” a hei ti a. Khuma chun a ngaisak rêng rêng naw a. A law ngaina hriet naw chun an tleng ta rak a, a har tah a.’ Zing arkhuong chun Puii a keitho zui ta pei a. A mang hmasa leh inzûl em ema mang a nei zawm nawk chun a lungril a kap ang reng a. Tukhawm hril chuong lovin ama khat khatin a ngaituo suok nawk hlak a. Mang el nisien khawm hieng ang thil a vawi khat neina chauh a ni leiin a lungrilah a riek zing.

Khawsungah mithi an nei lei chun Valupa-haiin zau tieng khawm thangko an tir a. Khuma khawm inlawi ve in, papuitebawp kum 37 mi a ni chauh leiin thlan cho dingin a suok nawk a. Hieng lai hin khawsik ser ser a nei leiin Puii chu inlumah an tawm thung a. Puii hai inah chun nautenu iemani zat naudawnin anum a. An khawpa Pu Hrangrohmang (Hranga) thi dan chu makti takin an hril a. Puii sangnu Suoni chun, “khâng ang pa hrat sanghal fûn sari leka lienin a sehlum el ka ring nawh,”a tih a. A inkawlnu Khawli chun, “laibungin a ruong a sie deu ta leiin a hmel bâk an suklang phal naw a ni kha,”a hung ti ve a. Pi Lienzo chun, “kei chu Suoni ti angin khang ang mei meia a thi ka ring thei nawh. A ram riekpuihaiin tum reng lei ni lova an sukpal ka ring. Thudik le saihlum an nge ngai naw angin an lang hun la um el a tih,” a tih a. Puii khawm chun Pi Chawngi (Hranga nuhmei) a lainat thu a hril ve lawm lawm a. A ni tak ie! Pasalá¹­ha thina ding chun a nêp lulai bawk si nih. Pu Hranga thi dan chun khawtlang mipui a á¹­hawng takzet a, thil inthup um ngei dingin an ring a, sien khawm an khuo pahrat chun a hun vangduoi tawng hril thei lovin dairiel a chang san ta si a, tuikhur titi pelin zawlbûk titi a tling hiel a nih. Khuo a hung inthim a, sawl an ti deu ta leiin tapsak bâk Khuma chun a pel thei nawh. Kawng khat ngaituo chun zing khuo var ruola lo tieng liem nawk el ding a ni leiin nuhmei nau le te bula hang um dep khawm chu thlakhla ta awm rêng a nih. Nene nelai naupang in re hnung chun Tenu-pa, Rovi-pa le Ṭhuompui-pa hai chu Khuma inah an leng a. Anni khawm chun Pu Hranga tuoksiet tuok thubawkin titi bul an á¹­an a:


Khuma:- “Palai hmel kan hmu chu ni awm naw tak maw……… In van hrawl
   tawl de. Vawizan chu Zuola nu bulah ka riekna a sawt diei taa zal vat ka lo tum
lungril deu a. Anachu á¹­in inhmat pha naw ro, nangni em em inleng nei chu
sazaw hro ka la nei po hi suong ei tih,” tiin a inlenghai a lo fiem a.

 á¹¬huompui-pa:- “Vawizan chu Puii inhmûr hma chu mawng phawi lo el ding a
    nih…….. Tak a, sawt rak um khawm kan tum naw ie, nang lo riek ngawt i thaw
a tulai thilumzie hung hril che kan tum a nih,” tiin a hei fiem malam a.

   Puii:- “ In pei phawt chun lenghnawtdawk khuong chen khawmin á¹­hung ta um,
  kan pahni chauvin kan meng rit rit hlak a, ruol kan ngai ve ta nawm. Inmawng
kham hma hmain thingpui hung siem ka tih.”

  Tenu-pa:- “Ah, Zuola nu hi chu Rovi-nu le Ṭhuompui-nu hin an tluk naw ngawt
el che. Kawng iengkima hin i á¹­uon a zâng lem daih a nih…………. Zuola-pa,
Bezawltlang tieng tulai sa an huongintau khawp el a, nangkhawm i thawkkhat
inzâng an leh in hman hunah fai lo inal la thla a thar charin ei zu ram suok di
manih?”
Rovi-pa:- “Tulai sa hme an khât taa ka bu duna khawm a tlawm tah. Zawngsa
    hro tlawmte ka la neia bu ka la fak á¹­awk á¹­awk a nih. Zan hni thum bâk ngai naw
    nih, Puii mitmei i veng chun ama hi biek lem el chi mani ding……….!!!!!” Puii
tieng ngha pumin a zuk tih fiem a. An innui bawk bawk tawl a.

  Khuma:- “(Puii mit mel zau pumin) A khei, chuong em em chu ngai love. Ni e,
  invâk har khawm ka lo nuomna a sawt tah. Lo inbuotsai ve phawt ka ta, buoina
 dang a um naw chun thlalir zana che hman dingin suok tum in la.”

  Rovi-pa:- “Ring nekin a pawtchat inhma nawk si de! (Innui hak hakin) Naki hin
kan á¹­in hnungin Zuola-nu hmûr invung pal a ti aw….”

     Puii:- “Chuong em em chu kan naw ie…. Nangni rawi hi chu in nuhmeihai an um
naw hin in indâk zut zut a, an hmel in hmu char hin hapui na ni awm takin in
  um nawk hlak an naw a…..” An khuo thaibawi Ṭhuompui-pa kawk deuin a hei
dawn ve a.

     á¹¬huompui-pa:- “Zuola-nu hi a….. thudik te te khawm hi hril pal i tih. Nuhaiin an
lo hriet vei chun i inlenghai hi makhata zal ding kan um el thei a nih……….
(Inngaibel deu hlekin) A á¹­ha ie, ei infiel thlu thei leh keini khawm Pu
  Hranga thlanlung laibungin lak kan tuma thaw ding neu neu ka nei ve nih. Puii
inhmûr chen chen chu á¹­hung chuong dâl kan tih.”

    Khuma:- “ Nawk si ah, in va ti thet thut de. Ka sahro a kiem naw ding a ni chu,
lawm a um a nil.”

     Tenu-pa:- “(Kawtkhar kân pumin) Lo lungngai naw ta, i sahro chu la hung inram
em em kan tih. Mangá¹­ha mang phawt ro!”

        Puii:- “Mangá¹­ha ro le…, Kha, inlawi ngam naw nih U Ramsiem (Ṭhuokpui-pa) va
    thak ro,”              tiin an hnung tieng a hei fiem zui a.


Kawt kharin Khuma sira chun a van á¹­hung nawk a. Mei a chawk á¹­ha em lei chun zuk á¹­hel el nekin an la awi rem a. Puii chun thingpui thlit pumin a mang chu a hril a. Khuma chun thil danglam rakin a ngai pek naw a, “Nuhmei hin mang hi inlawm lem dai a nih. Ei in innghil lai hin ei taksa le ngaituona a thi naw leiin mang dam ei nei hlak a ni tie, invawi bek bek naw rawh,”a tih a. Puii chun, “Kan vawi taluo khawm chu a ni chuong nawh. Mang hi ka nei ve veta chu tuta hi a danglam bîk rieu a ni tie. U Khum, ka khawsik hi a re thei naw bâk el. Zînga khawm ka la zui thei hmel naw che nih. Dam chieng rak naw chun naki loah zu buoi rak rak ei tih ti inlau a um si a. Ina thaw ding umhai ka thei ang angin lo thaw lem el lang maw,”tiin a hei rawn a. Khuma chun, “lo a ni a, in a ni a, a á¹­ul vawng tho an nawm. Lo hadam rawh. Anachu ka ngai deu ding che chu na, sin ka zu thaw pei dim chu!” An nupa rek chun an lan nui dar dar a. Chuonga ramtin an hril hnung chun zalhmun an rem tah a. Diktak chun, Puii mang kha ngai ho hmel deuvin hril sien khawm a lungrilah a rûk takin a châm zui a. Puii in hnung khawm chun a ngaituona a lan vâk vel zing a. Hang ngaibel thei ding le tinzawn ding um chuong mang lovin Khuma um a sukhawi naw a. A tawpah taksa sawl leia in thei naw ni dingin an ngai a, khum kawma dumpui chu a la hei pak khu a. Chokaa sanapui inchek ri khawm an ring
hlar tah, chawm khat hnung chun a lo in ve ta a.

Tûk dang ang bawkin lo riek dingin an siem nawk a, Puii ruok chu zîngkara inthawkin khawsikin a man á¹­an a. Nu tak tho kang pei naw lei chun lungawp inkaiin Khuma a siem a. Hei kir el ding hlak chun an hisapna a tlawl vawng ding a ni bawk si, hei fe á¹­awk á¹­awk ding khawm chun Puii a ngaituo tho bawk si. Insukpachangin Puii chun, “U Khum, mi ngaituo naw rawh. Inluma um kan tah hi, zâwi zâwiin lo á¹­ha pei el ka tih. Zân hni bak zu thang hman chuong nawng i ta, kei a lei chun á¹­hul pha naw rawh. Thla thara sapel in tum bawk si,” a hei ti pek vat a. Chuonga Puii’n a ti phing chun Khuma chu an thawk suok ta a. Khawvel hi beisei angin an her zing zing naw a. Mihriem ditthlangna a zui hek
naw a, a rawn bawk nawh. Khuma hai nupa beisei angin leilung hi an her maw hle a, chu nekin an kum siet kum ni dingin hun le nihai an insiem rem sau sau lem a.

Kar khat zet a liem a, Khuma khawm Puii bovin lo riek dingin a fe nawk ta a. Khuma fe hnung chun an sangpa Rawnsang bula um an nu Zovi khawsik chu re ta nekin an sâng deu deu a. Naupang khatin an mangang deu leiin Khuma zu ko dingin mi an tir a. Ṭu namthlaka zingbu lo fa Khuma’n an inkawl tlanglakte a umna pana hung a hei hmu thut chun a phawklêk hman hle a. A ngaituona chun Puii ngirhmun a á¹­ha naw ni ngei dingin a ngai a. Tlanglakte chun, “Rang, ka pi khawsik a zuol deu leiin u Rawnsang-in a ko ding chein a mi tir a nih,” a tih a. Khuma chun a thu hriet chu hang ringhla deu a tum a. Amiruokchu, chanchin á¹­hanaw tak ni sien chu inkawl naupang el an hungtir a ring bawk naw leiin indawt set set lo chun thudikin a ngai a. A suongtuo ang em ema inlau um a ni naw hlau leiin an thuok nawk huoi a. Inrang takin chawlni tlakna ding hmeruo lakhawmin á¹­u an suoksan zui nghal a.
Chuongchun, theitawp suoin an nu Zovi chu an buoipui a, khawsunga damdawi um ang anghai zawng khawmin an pek a. Hieng lai hin Puii khawm nitinin a zuol tiel tiel ve a. An natna ena damdawi pe dingin khawsungah chuong anga rawn ding an um der si nawh. Mi’n ‘chu chu a á¹­ha’an ti ti an thaw a, a zie a um thei chuong nawh. Khuma nu chu biek mumal thei lovin a um zui ta pei a. Nunghak le tlangval lu tui burin an inpun ta hiel a. A nat dan vel chun Pi Zovi chu khawsikpui ni dingin khawsunga parawnkai deuhai chun an hril nak nak a. A natna hrietsuok ang deua an ngai ta leiin damdawi umzie nei deu dinga an ringhai chu an hei thaw á¹­an nawk a. Hieng ang hin chawl kar khat sung zet an buoi phihlie a nih. Puii tak khawm chu a tarpinu nat ang char chun a hung um ve ta pei a. Damdawi thei ang anga an pekhai chun kawngro a suk thei bîk chuong naw a. Ni tlawmte hnung chun a tarpinu leh ngirhmun angkhatin biek thei an ni ta nawh. Khuma beidawng tawpkhawk chun neilung/neinung khawngin khuo á¹­henawma damdawithiem Compounder va á¹­huoi a rawt ta a. Chu bak chu a hmangai Puii le a nu Zovi chungah thawthei neiin an hriet ta nawh. Hmunpui hei panpui dingin an nei rosumin a tling ngang naw leiin a hril khawm an hril ri ngam naw a. An khaw kawl chawhma inlan phâk chauva hlaa um Compounder va á¹­huoi ding ringawt khawmin laibung an nawr buoi leiin hmun hla panpui chu an ta dingin vana ra ang rau a nih. Compounder kutah
beiseina po po an innghat a, law ngaina a hriet bîk naw a ni chun Khuma le a unauhai chun an nu le an unu chu an thlir liem el a ngai ding a nih. Nufahai natna chun Compounder-in a thiem ang tawk tawkin a hei en a. Khawsikpui hrat takin a man ti a hung hriet nghal a. Chanchin lawmum le lungngaina intluntu ding chu Compounder bau anthawk ngei chun a hung suok ta a. Compounder chun, “Khawsik insang tak an nei a, an thluokah khawsik (malaria) a lut nawna dingin damdawi kap (jection) ei ta, an hringna san thei ei tih,” a tih a. Mitthli le lo nghak lainahai ta ding chun thu lawmum tak chu a va ni ngei! “An leh damdawi chu khawlam?”Khuma chun a hei ti a. Chu injection-na damdawi chu artui le thleng thei khawm nisien a dawmdawi a um tlat naw a. Laibung inrawnin an hang ngaituo taka chu a hun le hmunin a zir ta hlawl naw a. Ni khat khawm hun an nei nawh ti an hriet seng. Khuma beidawngin a mitthli a hrûk a hrûk a. Damdawi umna hmun nisien san thei ngei
ding an ni a, lungrilna’n a awm a chum; á¹­hangpuitu ding an um si nawh. Van tieng a en leh an sang, hnuoi a en leh a dawng; chu hun tawite sung chun khawvel rinumna vawrtawpah an chiepil a. A pa bêk la um nisien thlamuongtu ding an nei ding kha! Khuma liengkovah iengkim an nghat a. A nu le a nuhmei chungah thawthei a nei hlawl si nawh.

Compounder chun a inah kâp khat chau invengna dinga a sie a um thu a hril a. Amiruokchu, damnaw hi pahni an ni tlat si a, an pahni hringna san ding chun kâp hni a ngai ti chu Compounder khawmin a hriet hmai nawh. Chulei tak chun kâp khat a nei khawm chu a hril suok ngam bîk vat naw a. Khawsik hrihai hlak chu chawl lovin thluoka lut an tum zing leiin hmun danga inchana hun ding a um ta nawh. Chu damna dawi kâp ding khawm chun minute tam hun a um ta nawh. Damdawi umsun chun a tu lem am kâp ding……..?
                                                    Pakhat dam a ta, pakhat inthla a ngai!

                                            ‘Thuthlukna  Hautak’ a va ni ngei deh!!             

An unaua upa tak a ni angin Ruolkhum (Khuma) kutah iengkim an sie a. Damdawi dang a um naw ding ti khawm an urengin a hriet seng. Iengang khawmin rel sien ṭapna pumpel theina ding kawng a um chuong nawh. Khuma chun a hun tawng chu tanmawng chang dingin a ṭap ruoi ruoi a. Khawmuol hre lova zal a nuhmei khum chungah chun hun liemta hnunga a tanmawng thusim a ngaituo kir a. Puii ṭhang lova hringnun hmang rêng an zuom thei nawh. Puii sira zal a nu a hang en a, duot taka chawilientu hnawl lem dingin a huoisenna po po a sawr khâwm khawmin a ngam thei chuong nawh. Puii a um naw hlak chun a hmakhuo ding a hrietchieng hle si. A tawpah a unauhai lunglawm kimna
dingin a hmangai le a thlakhla em em Puii chu inhlan dingin an sukpachang a. Biengah mittui far zawi zawi pumin a neisun rohlu chu piellei thuriet sungah zala buollei chang dingin an thla tah a.
Damdawi chu an hei kâp ta ngei a, ni tlawmte hnungah an nu Zovi chu a hung harsuok nawk a. A nu’n biek a hriet hnung ni khat zo chun Puii chu famhai vangkuoa intawng nawk dingin a pasal Khuma chun á¹­angah pawmin a hringna an chawltir tah.

“Tlangin Mi Sel Naw Ro, Ka Hnuoi Rohlu Puii Ka Chan Tah;
Hieng Hi Maw An Hril Damlai Thlanthim Hringnun Zie.
Khuonu…, Za Ngai Ta La ; A La Hun Nawh A La Hun Nawh.
Hieng El Hin I Mi Liemsan Thei Nawh!
‘I Bula Um Ka Nuom’ I Tih Hlak Kha, Ṭhena Thu Ei La Tiem Em Lem.
I Hraichawi Nauhai I Dawn Naw Maw……………..?
Pui, Mi Ngaidam Mawl Rawh Aw…!
Chun Le Zuo Lunglawm Kimna’n Inthla I Ṭul Si Maw…. Aw Ka Neisun
Rohlu!
Pa Kuomah A Ngaidamna Mi Ngen Pek La. Van Kawtsuoah Mi Lo
Nghak Zing Rawh, Mangá¹­ha!”
( Hril ta angin hi hmangaina thawnthu hi a taka thiltlung
ngei besana ziek a ni a. Amiruokchu, a thu laimu ti lo hi
chu phuokchawp vawng a nih. Thutak besan a ni ruolin tu
mimal chanchin khawm inkawktir a nei nawh )


************************************************************

Post a Comment

Please Select Embedded Mode To Show The Comment System.*

Previous Post Next Post