HMAR INPUI EMBLEM HRILFIENA

ARTICLE 5 

i) Hmar Inpui chun inchikna nei a ta, chu chu leihnuoi lim, a lailunga In lim, a rawng sen sungah rawng vara 'HI' namkai ning a tih.

ii) Leihnuoi lim hnuoia hin changtieng le vawitieng hna thilzawt inkuol, a rawng pawl bawkin intawk phak chie lovin um nawk a tih.

iii) Hna thilzawt inkuol lim hnuoiah, 'HMAR INPUI' ti thumal um nawk a ta; vawitiengah 'ESTD' le changtieng pangah Hmar Inpui indin kum '2000' namkai ni bawk a tih.

iv) Hi inchikna hi Hmar Inpui lekha pawimaw taphawt zieknaa hmang ning  a tih.

ARTICLE 6 - EMBLEM HRILFIENA

i) Leihnuoi lim hin khawvel pumpuia Hmar nauhai po po a huom vawng ti an entir.

ii) A lailunga in lim hin Hmar nauhai inthlungkhawmna INPUI a nih ti a tarlang.

iii) Leihnuoi sirvela hna thilzawt inkuol hin Hmarhai chu inremna le muongna dittu an nih ti an entir.