CACHAR ST ENLISTMENT THUA THUOITU INRAWNTLANGNA

Cachar, Assam rama Hmarhai ngirhmun chungchangah HPC'D' in inrawntlangna hun a siem angin, Conductor Pu J.C. Hmar-in Pathien kuomah tawngtaia inkhawm inhlan dinga Pu Lalzawmthang Hmar fiel a, inkhawm inhlanna a ni zovin, khawtina inthawka hung Palaihai inhmelhrietna nei a ni a. Hi zo hin Pu V.L. Muonga Pudaite-a inthawkin Tribe Enlistment a pawimawzie thu ngaithlak a nih. Mipuiin hrilnawina nei a ni hmain Pu Vanlallien Pulamte, Pu Abraham Keivom le Pu Lalthuthlung haia inthawk ST chungchanga ngirhmun le a bebawmhai ngaithlak a ni bawk. Hi zo hin khuo tum tuma thuoitu fekhawmhai a'nthawk hmalak an nuom dan hai hrilna hun nei a nih.

Khuo Present-hai :
1. Hmarkhawlien            
2. Chaltathol   
3. Chikhur   
4. C.Huonveng
5. Noxatilla                
6. Nagathol
7. Saisel
8. Buddon
9. Mirpur,     
10. Chotto Kumpi  

11. Jurkhal              
12. K.Bethel
13. Neithangveng
14. Dolakhal
15. Lothazawl,  
16. Biete
17. Tlangmawi
18. Sonbari        

19. M.Diphucherra
20. Boroidisa (Hmarkhawthar) 
21.Tupidor

(Members Present = 46)

Thuoitu fekhawmhai chun thlirna tukver dang danga inthawka an thlir hnungin hiengang hin thu an sukthluk.

  

Reso. No. 1. Barak Valley Hmar People BJP haiin Sorkar kuoma ST Enlistment chungchang memorandum an submit an bawzui lai mek hi bawzuiin hma la pei hai sien kan tih.

Reso. No. 2. Barak Valley Hmar People BJP haiin ei hnam ST Enlistment dinga hma an lakna hi a sukkhailak zawnga hma lo la an um a ni chun Hnam suksiet tuma hma la angin mipuiin ngai ning a tih.

Reso. No. 3. ST Enlistment chungchangah Barak Valley Hmar People BJP hai hmalakna thangpuina dingin Cachar sunga Hmar khuo in tinah phal ang tawk thangpuina pek seng ni sien tha kan tih.

Hieng rela umhai hi ka pawm ngei a nih ti suklangnain member-hai chun bân pharna an nei.   

~Gospel Songate