Tuolbuol ni 18 zan dar 9:27 chun ka pa phone call ka dawng hlawl a. Dan naranin keiin ka biek naw chun, tlangpa zal hun hnung chun kan inbiek khat vieu a. Ieng tak am a ni ding, ti chu suongtuona hrat tak chun a tintuo hman hram tho.
Ka'n lauthawng ang ngeiin ka ruolpa Reagan Ramnundang Keivom (Gana) thi thu chun a mi deng a. Awi harsa tak, pafa karah thukhel thang hlawl si lo; ka zawi hnawk el! Ka ruol ngaium chu hring damin ka hmu ta naw ding a n'a, a sakruong khawm chu hmu hman dingin ka khawsa chuong nawh; thil pawiah khawm pawi thuohni a nih.
Reagan le hin pawl iengza chiea inthawk khan am kan thung kawp ka hriet thei ta naw a. Pawl 1/2 bawr vel, khuo kan hriet tak tak hma a ni tah, ti chu a chieng a. A kum zawng chun 1999 vel a ni thei awm ie. Partnership Mission School (PMS), Lungthulien-ah pawl 10 chen (2008) kan inruol tung pei a. Kan ruolcham chu - Kei (Gospel Songate), Reagan Ramnundang Keivom, David Lalditsak Pulamte, Lalremkung Khawbung, Ramchuoilo Khuolhring, Gospel Ramdinsang Khuolhring, kan nih. A bik takin a hmasa mi pali (4) khih kan inkawp nawkzuol a, ngaizawng khawm inhriepaw vawng, "chu chuh kher la, keiin chu nu chuh, nangin chu chuh," ti zing zing hlak kan nih.
Kan hun tawng hril ding tam tak laia threnkhat zuk lawrkhawm lang: Kum 2009 April ni 30 khan David Lalditsak, Lalremkung, Reagan le kei chu ramsuokin, Hmarcha vadungah dynamo hmangin nga kan zu man a. Khangzep silai David-in a put bawk a. Kan fe tieng, Kawnpui mawngah zawng hawn kan hnawt a. Amiruokchu, ram-ar chal kan kap lem hlau a. Nga khawm kan thlengpui, nauruol awt theina sip luouin kan man. Thingkhuong vadung ngakir kan hei tlung chun, a helna ding kan hriet ta naw a. A sira rawl bang ruomah kan kai a ngai ta a. Rawla kan kai hma chun kan trawngtrai mal mal zing bawk a. Kei ka kai hmasatak a. Ka ruolhai kha kai suok thei dingin ka ringzo chie naw leiin, kai hmasa kan chu a nih. Ka kai suok chun lungpui chungah ka trawngtrai mawlh mawlh a, ka ruolhai thrangpuina dingin hrui ka zuk thlakpek nawk a. Kha rawl kan kai suok thei kha tu chen hin mak ka ti tawp nawh.
Zan dar 6 velin kan in kan hei tlung a. Vangduoithlak takin E.A.C. kohran Local Chairman Upa H. Chunga Songate chun chu ni April 30th, 2009 chun muol a lo liem a. Khawsawt-in leng a ngai leiin ram-ar chu kan hei buoipui vat vat a. Bu kan fak khawp chun ka ruolhai chun an in tieng seng an pan a. Khawsawt-in chu zan dar 9 vel chun ka lut ve hman chau a. Amiruokchu, ka sawl em leiin sawt ka dai nawh, zan dar 11 vel chun ka meng zo hlawl naw leiin ka trin tah a. Kha truma kan ruolcham ramsuok kha vawisun chena ka theinghil thei lo a nih.
Kum 2015 July thla tir ni 4-7 sung khan ka ruolpa Daniel Kungate leh Mizoram kan hang inzin a. Hi trum hin Reagan hai nupa kan va sir a, zan khat kan riek nghe nghe a, Mawite hmesuong inhnik ti takin kan hme bawk.
Kum 2016, 2017, 2018 hai khan Aizawl-ah kan hang inhmu zie hlak a. Kum 2018 lem khan chu ka u in hluo ding ni 2 lai rawng a mi tatpui a. Chu trum lem chun kan ruolpa Ramchuoilo a thrang ve bawk a, kan hlim hle.
Kum 2018 kum tawp tieng khan a bik takin Solomon's Temple, Aizawl kan chu sir ve a. Hi trum hin fiemthu video (parody) ka siempui nghe nghe a. Zanbu kan fak khawpin inngai tak pumin ka'n thla a. Chun, ka papui Sapbieklien damnaw trum khawmin Grace Nursing Home-ah Lungthulien Welfare hmingin an mung kan a. Hi trum hin Reagan, Pu Pensonthang, Chuoilo le Lalthuthlung hai an hung a. Welfare fund dingin Rs. 200 ka pek ve nghe nghe.
Hmun dang dangah ka um hnung hin, Lientlang suok ruolchama ding chun Thangsanghlei, Reagan le kei hi an hriepaw umsun chu kan ni ta pei a. Kum 2013-19 inkar hin harsatna um lovin kan inpaw thra em em. Video call le voice call conference hai thawiin, Sanga, Reagan le kei hi inthlathlam lova inbiepaw zing hlak kan nih.
Kum 2019 October thlaa Aizawl ka suokin hun remchang a um naw leiin kan inhmu thei naw a. November 29-December 1 2019 sunga HSA General Assembly, Saiphai, Mizoram-a umah khan a mung fiel a. Amiruokchu, ka fe thei naw leiin Dec. 1 zan khan sawt fut a mung biek a. Zalpumin kan titi sawt vieu.
December ni 22, 2019 zingkar khan Christmas hmang dingin Aizawl ka pan a. Dec. 22 chun Reagan chu Christmas mi hmangpui dingin ka hei fiel. "Hung phei la, EFCI Ramhlunah hmang ei tih," tiin ka zuk biek a. Prokram dang a nei leiin ka duthusam a tlawl a. Kum thar hmang dingin Lungthulien tieng ka zuk fiel nawka chu, a lo parawl bawk leiin a buoi ve chu ni awm, ka hlawsam.
Lungthulien-a ka um lai, January ni 3, 2020 lai khan, "venga la um i ni," a hung ti a, network thrat naw leiin, "aw," ti bakin ka dawn thei nawh. Chu chuh kan inbiekpawna nuhnungtak a lo ni ta zing.
KAN PAHAI: Taksa danin Lungtrau hnam ve ve, khuo khat ni bawk kan nih. hril tah angin, chintea pawl hmunkhat kan ni leiin kan inruolthra hle a. Chubakah, kan pahai khawm a khawhnungah zawlin an la hung inman nawk ta pei leiin, kan inzawmna a nghet hle. Hienga a mi zuk barakhai thut el hi, hril a haiin, lung a sukna em em.
Chînlai ruol ditin risâng muol a hei liem zet chu, nun hin thlumna a'n dawng vawng vawng el!
Kum 1997-2008 sûng tlatna thuhmun hlak, Lientlang khawdung khawvai ka hrûtpui kha, THINA kut dei chun ramri a khang tah.
Chemsen inlet râlah chun ruom le tlâng kan inzui hlak a, sem-sem dam-damin kan lo insukkhawp ve kha; leihnuoi hrivawn THINA ruok chu laimi sâ ang kan ngam lém ie!
Ka hringnun phék ka phar chânga ka lam hmai ngai lo Gana Hmar Hmar , i sakhming tiena mihai anga thawnthu hlui a'n chang ding chu, hrilhai lunglai a rûn.
(Reagan R Keivom hin lung tum ém ém lovin, khawsak inhawi lem beiseiin Lientlangpui a suoksan a, Dinthar, Zemabawk, Aizawlah umhmun a lo inbéngbel ve tah. Lientlang suokhai inhláwmkháwmna ding invawitu le, Lungthulien Welfare (Aizawl) indin thei dinga a tlanvir tak laia mi le, Secretary hmasatak ni lai mék a nih)
Zan dar 6 velin kan in kan hei tlung a. Vangduoithlak takin E.A.C. kohran Local Chairman Upa H. Chunga Songate chun chu ni April 30th, 2009 chun muol a lo liem a. Khawsawt-in leng a ngai leiin ram-ar chu kan hei buoipui vat vat a. Bu kan fak khawp chun ka ruolhai chun an in tieng seng an pan a. Khawsawt-in chu zan dar 9 vel chun ka lut ve hman chau a. Amiruokchu, ka sawl em leiin sawt ka dai nawh, zan dar 11 vel chun ka meng zo hlawl naw leiin ka trin tah a. Kha truma kan ruolcham ramsuok kha vawisun chena ka theinghil thei lo a nih.
Kum 2015 July thla tir ni 4-7 sung khan ka ruolpa Daniel Kungate leh Mizoram kan hang inzin a. Hi trum hin Reagan hai nupa kan va sir a, zan khat kan riek nghe nghe a, Mawite hmesuong inhnik ti takin kan hme bawk.
Kum 2016, 2017, 2018 hai khan Aizawl-ah kan hang inhmu zie hlak a. Kum 2018 lem khan chu ka u in hluo ding ni 2 lai rawng a mi tatpui a. Chu trum lem chun kan ruolpa Ramchuoilo a thrang ve bawk a, kan hlim hle.
Kum 2018 kum tawp tieng khan a bik takin Solomon's Temple, Aizawl kan chu sir ve a. Hi trum hin fiemthu video (parody) ka siempui nghe nghe a. Zanbu kan fak khawpin inngai tak pumin ka'n thla a. Chun, ka papui Sapbieklien damnaw trum khawmin Grace Nursing Home-ah Lungthulien Welfare hmingin an mung kan a. Hi trum hin Reagan, Pu Pensonthang, Chuoilo le Lalthuthlung hai an hung a. Welfare fund dingin Rs. 200 ka pek ve nghe nghe.
Hmun dang dangah ka um hnung hin, Lientlang suok ruolchama ding chun Thangsanghlei, Reagan le kei hi an hriepaw umsun chu kan ni ta pei a. Kum 2013-19 inkar hin harsatna um lovin kan inpaw thra em em. Video call le voice call conference hai thawiin, Sanga, Reagan le kei hi inthlathlam lova inbiepaw zing hlak kan nih.Kum 2019 October thlaa Aizawl ka suokin hun remchang a um naw leiin kan inhmu thei naw a. November 29-December 1 2019 sunga HSA General Assembly, Saiphai, Mizoram-a umah khan a mung fiel a. Amiruokchu, ka fe thei naw leiin Dec. 1 zan khan sawt fut a mung biek a. Zalpumin kan titi sawt vieu.
December ni 22, 2019 zingkar khan Christmas hmang dingin Aizawl ka pan a. Dec. 22 chun Reagan chu Christmas mi hmangpui dingin ka hei fiel. "Hung phei la, EFCI Ramhlunah hmang ei tih," tiin ka zuk biek a. Prokram dang a nei leiin ka duthusam a tlawl a. Kum thar hmang dingin Lungthulien tieng ka zuk fiel nawka chu, a lo parawl bawk leiin a buoi ve chu ni awm, ka hlawsam.
Lungthulien-a ka um lai, January ni 3, 2020 lai khan, "venga la um i ni," a hung ti a, network thrat naw leiin, "aw," ti bakin ka dawn thei nawh. Chu chuh kan inbiekpawna nuhnungtak a lo ni ta zing.
KAN PAHAI: Taksa danin Lungtrau hnam ve ve, khuo khat ni bawk kan nih. hril tah angin, chintea pawl hmunkhat kan ni leiin kan inruolthra hle a. Chubakah, kan pahai khawm a khawhnungah zawlin an la hung inman nawk ta pei leiin, kan inzawmna a nghet hle. Hienga a mi zuk barakhai thut el hi, hril a haiin, lung a sukna em em.
Chînlai ruol ditin risâng muol a hei liem zet chu, nun hin thlumna a'n dawng vawng vawng el!
Kum 1997-2008 sûng tlatna thuhmun hlak, Lientlang khawdung khawvai ka hrûtpui kha, THINA kut dei chun ramri a khang tah.
Chemsen inlet râlah chun ruom le tlâng kan inzui hlak a, sem-sem dam-damin kan lo insukkhawp ve kha; leihnuoi hrivawn THINA ruok chu laimi sâ ang kan ngam lém ie!
Ka hringnun phék ka phar chânga ka lam hmai ngai lo Gana Hmar Hmar , i sakhming tiena mihai anga thawnthu hlui a'n chang ding chu, hrilhai lunglai a rûn.
"Sakruong buon-ang ka chûl ném ie, Ruola!
I fam kai, zanmu ka sîng bil lo,
Sakhmel hlimthla suiin, dáwn réng a tam hring kan chan ve khah;
Nuilai hunhlu ei tawng vehai, umkhuo suksawt el dingin maw...?
Mangtha! Nikinniah Aw...."
(Reagan R Keivom hin lung tum ém ém lovin, khawsak inhawi lem beiseiin Lientlangpui a suoksan a, Dinthar, Zemabawk, Aizawlah umhmun a lo inbéngbel ve tah. Lientlang suokhai inhláwmkháwmna ding invawitu le, Lungthulien Welfare (Aizawl) indin thei dinga a tlanvir tak laia mi le, Secretary hmasatak ni lai mék a nih)
Tags
Thusep (Article)