- Vincent Khawzawl, Secretary 2016-18
A hmasa takin Hmar welfare Society, Silchar chachin tlangpui ziek dinga ditsakna min hlantu HSA Silchar Branch hai kuomah Silchar Hmar Welfare aiin lawmthu ka hril. Kum 2006 kum chen khan Silchar hmun a hin Hmar Christian Fellowship le HSA ti b^k chu pawl a la um naw a, hi kum hin Student pawl rel theilo thil a um tak leiin Silchar hmuna Mi puitling deu thawkna neia umhai inrawnkhawmin Hmar Welfare Society, Silchar chu indin a lo ni tah. Hi huna thruoituhai hi thlang ni lovin ruot an nih. Kum 2006 a thruoituhai hming le nina hi a hnuoia hin hei zieklang ei tih.
1.Pu Raltawnluoi Intovate (Chairman )
3. Dr. Jakob Pulamte (Secretary )
4. Pu Chawnghmunlur (Asstt. Secy.)
5. Pu S.K. Khawbung (Finance cum Treasurer )
Hmar Welfare Society, Silchar sin thawdan tlangpui hiengang hin hei tarlang ei tih.
a) Damnawna thuah : Hmar welfare Society, Silchar chun damnaw phawt phawt chu a kan kher naw a, sienkhawm mi harsa zuolhai an ngirhmun enin kanna neiin \awng\ainaa hun hmang a ni hlak.
b) Nungchang mawinaw thuah : Hnam sunga mi, a b$kin nunghak le tlangval hnam dang leia mawinawtaka um hriet an ni chun lekha ( secret letter) pek an ni hlak a, chu hnunga an la sim naw rawp chun committee-in koin zilna pek an ni el khelah, an nu le pahai inhriettir an ni hlak.
c) Thi le mang thilah : Eini mi Silchar sunga damnawa hung thi amanih, a cheng renghai thi an lo um a ni chun ralna or an ruong inthlasuokna nei a ni hlak. An ngirhmun enin thrangpui ngaihai chu sum le puona thrangpui an ni hlak.
d) Rukru le buoina siem : Rukru amanih buoina siem an um chun chuonghai chu zawng dawkin man an ni hlak a, theitawpa zil an ni hnungin an umna khuosung thruoituhai le inbiepawin thawn suok an ni hlak.
Hi a chunga thu suklanga um ang hin theitawpa sinthaw a ni zing laiin hun iemani chen a hung liem hnung chun hi pawl hi mumal takin hmalakna kawngah a hung um ta naw a, kum a liem peia silchar sunga hmarnau inchuklai le mipui umhai ngadan tlangpui a chun mumal taka indinthar trulin an hriet leiin inthuruol takin August ni 7, 2016 ni hin Hebron Baptist Church, Tarapur-ah Silchar sunga hmarnau tam tak fekhawmin inthlangtharna nei a nih. Hieng a hnuoia hai hi 2016-2018 sunga thruoitu dinga thlanghai chu an nih.
1. Pu Raltawnluoi Intovate ( Chairman )
2. Pu Laldawnlien Tuolor ( Vice Chairman )
3. PuVincent Khawzawl (Secretary )
4. Pu Thilfaihlun Vankal (Asstt. Secretary )
5. Pu Lalsiemkung Hrangchal (Finance Secretary )
6. Tv. Vanlalpek Bapui (Treasurer )
7. Tv. Isak khawbung (Information secretary )
8. Advisors : Upa Thiltinlut Thiek & Upa T. Khaute
Hi a chunga thruoituhai hin theitawpin indintharna sin chu hung thawin Hmar welfare Society, Silchar-in Constitution mumal tak nei loa um hi remchangnawa a ngai leiin, constitution drafting committee indin nghalin ziek tran a ni a, tu hin chu hmang thei dinga tlangzar a lo ni tah. Chun membership fee mitin cheng 20 ( Rs 20/-) dawl a ni a, Silchar sunga hmar nau inti taphawt chun inziekluta fee pe ngei dingin ei inhriettirin ei inngen nghal bawk a nih.
Tuta ngirhmuna hmlakna threnkhathai ei ziek lang hmain a hmaa \huoituhaiin an lo thawhai hi thaw zawm pei a ni ti ei hriet a pawimaw a, threnkhat sukdanglama umhai chau hei zieklang ei tih.
Mithi chungchangah : Sichar sungah Hmar mi natna lei amanih, thil dang lei khawm ni sien thina a lo tuoka Hmar Welfare rawn an ni chun kuong mawi tak siema inthla an ni hlak. Chun hmun danga thi ni si, amiruokchu silchar khawpui a lo hraw thleng ding thu inhriettir an ni chun thangsuopuon mawi tak or sum, thangsupuon remchangnaw hunah a man zat peka trawngtrainaa inthla an ni hlak.
Hi a chunga thilthawna ei neihai suklanga umhai hi sum le pai boa thawthei chi a um naw leiin mitinin ei hmazawn sengah thruoituhai hi tha le zung el khelah sum le puonah khawm thlawp tlat ding le an ta dinga maloa trawngtrai dingin ei infiel takzet a nih. Hmar welfare Society , Silchar hlawtlingna chu a sunga chenghai kuta innghat a nih.
Hmar Sudents’ Association Silchar vul zing dingin Hmar Welfare Society, Silchar chun ditsakna vochuom an inhlan.
Tags
Ziektu Danghai