Laltlansang Songate Hlahai : Hmar Hlaziek

     Kum 2016 November thla khan Laltlansang Songate hlahai vol - 1 chu insuoin a um a. Audio CD Album-a hin hla 15 Pathiena inthawka a dawnghai inchuon a nih. Nk. Margy Lalremruati chun thiem le hring takin a sak a. Zawr sum le hlawkna hnawta buotsai a ni naw ang bawkin copies 400 chau siem a ni a. Rs. 100/copy a zawr niin, ngainatu tam takin an hlutsak a. Album hi a hlawtling vieua ngai a nih. Producer Mrs. T. Chawngpui, MCS Retd. (Laltlansang Songate a unu) vision-a chun, Pathienin hla tam tak a i-pek puongsuok loa a um el ding chu mihriem ram taka khawm bat neiin an hriet a. A sangpa hlahai album-a siem chu Pathiena inthawka thaw dinga a hmu a nih. Chuong ang chun Album hi hlawtling takin insuoin a lo um tah.

Albuma Hlahai A Ziekin:

001- RINGNA LAWNGA CHUONGIN

1. Hnuoi hringnun sung hin tawp ni la nei a ta,

Hnuoi le van khawm silpuon ang hnawl a ta;

Chatuon Lalpa ruot hrim a nih,

Ka thlarau ngei khawm Lal Isu’n an tlan tah.

Ringna lawnga chuongin van khawpui pan ei ta,

Hnuoi rinumnahai po khawm maksan t^ng ei ta;

Beramte hmelmawi \uoi ni nei ta lo chun,

Mi sukhlimin mi suklawm zing a tih.

2. Inngaitlawmna le thuhnuoirawlna  neiin,

Krista lungril put di’n inch<k ei ta;

Mihai damna ni thei dingin,

Hnuoi malsawmna le van malsawmna chang di’n.

3. Khawvela hin hlun s<ng hrim ei um si nawh,

Inngaisanga nuomzawng thilhai thawin;

Ei nuomzawngin um inla khawm,

Lalhai Lal chun mi la r>l ngei a tih.

002 - KAN KHUOLNA RAMA HIN

1. Kan khuolna rama hin du-ai ka sam hlak a,

Sienkhawm hlawsamna’n an mi bawm hlak si,

Hlawtlingna ding lampui zawnga kan ngaituo chun

Ka ta ding chun Pathien hnai hi a \hatak a nih.

Lalpa Pathein neitu Lalpa’n a nei hai chu,

An nun hlimin vengin a \huoi hlak a;

Sahr^ng meipui iengin doral tuok hai sien khawm,

Lalpa chu an v>lah ni ang var zing a tih.

2. Unau I vanglai hunah inhawi hlak sien khawm,

Beisei le nuomzawnghai hnawt inla khawm;

Nuomzawnghai chu Lalpa ditzawng an ni naw chun

Rorel p>k ni i tlung ve pha iem chang t^ng i ta.

3. Diebol  ditzawnga ei nun ei hmanglai khawmin,

Thlarau thienghlim ngei chun a mi fiel zing;

Chatuon dai ding umlo thilhai beisei n>k chun,

Beiseina hring Krista ta di’n inpe lem ei tiu.

003 - VAN KHAWPUI  PANA

1. Van khawpui pana khawvel suoksan ni ding,

Hrillawkna thutiem ha’n nitin an sukhnai a;

Hri le indo leia thina \ituhai chun,

Himna khawpui pan di’n sandamtu b>l ei tiu.

Ei ch>ngna khawvel suoksan ni ding a hnai tah,

Ei himna dingin khawvel thil maksan la;

Refugee \huoitu di’n sandamtu b>l ei ta,

Ama’n himna khawpui chu min tlun ngei a tih.

2. Khawvel buoina tuifawnhai hung zuolin,

Ringnaa kalchawi ram hai sukbuoi hlak sien khawm;

Krista ringna sandamna lawng neituhai chu,

Lal ditum hmel hmu di’n thlain la vuong an tih.

3. Lal Isu thina a thlawna siemtuhai,

Nitin suol rawng bawla inhmang zingtuhai le;

Khawvel ram chau ena muongna zawngtuhai chu,

Muongna hmu loin hremhmun tieng liem ngei an tih.

4. Inngaituo vat rawh i hringnun liem hma hin,

Lalpa thutiem ngei chun ambush a rem khum che;

Ditlem thlang fel a hun lunginsietna hun hin,

Sandamna kawt an hawng inkh>lpui rawi a che.

5. Hmangaitu thina’n ramthar a min hlan tah,

Ringna lawnga chuongin inl>ng s^ng pei ei ta;

Van Kananthar mawia Angelhai le l>ng di’n,

Lawmna tawp ta naw nih hlimna chuoi ta naw nih.

004 - KA KHUOLZINNA LAMPUI DANGLAM

1. Ka khuolzinna lampui danglam khawvela hin,

Lalpa rawngbawl dinga Krista lampui ka hraw laiin;

Hmel hriet ngailo khawvel dan ha’n an mi thlem a,

Ka tum ram tlung hma hin lampui dang a tam ngei Lalpa.

Lalpa buotsai van Kanan thar rammawi a chun,

Lungdit fe tahai le Lalpa inpak kar ka nghakhla ngei;

Hmel hriet ngailo hmelma hun tina mi daltuhai hi,

Van taksa chu changin maksan ka ta a van hawi awm ngei.

2. Chu hringna  thing lawm kina hmun chang theina di’n,

Thina hnetu mi hmangaitu Krista ringna leiin;

Thiem chang tirtu ringna leia mi felhai chun,

Van hmun ropui chu ei chang ta hlimna tawplo ram chu.

3. Chu hringna vakam mawiah chun chawl tang ka ta,

Doral b^ngnaah chun Krista hnetu thlazar hnuoi a;

A famkima van taksa a kan thuom pha chun,

Thina hnetu zarin lawm hla hallelui rem ka tih.

005 - HI HNUOI RAM HI CHU

1. Hi hnuoi ram hi chu suoksan k^r ka nghakhla ngei,

Kumhlun ding a um nawh dam sawt khawm beidawngna cho;

Hmangai fe tah ha’n an mi nghakna rammawiah,

Van khawpuiah khin hlimin lan tuok ei tih.

Hmangaihai l>ngna chu ka va ngai ngei aw,

Keikhawm la tlung v>ng ka tih tlanna thisen zarin;

Ditlai fe tah hai le Beramte hmaah chun,

|awngsie hrim um ta loin Zion khawpui mawiah chun.

2. Hnuoi lungngaina hi ei suoksan ve hma hin chu,

Suol thuneina hnuoiah ch^u ch^ng ni um sien la khawm;

Hnetu Lal Krista zara hratna siem tharin,

Ringna’n thla z^rin van nunin l>ng ei tih.

3. Hnuoi hringnun sung hi ei lawm sung a tawi ngei maw,

Thlafam changna lampui ni tinin ei hmang liem pei;

Min tlantu Lalpa hmun siem chu chang v>ng ei t$m?

Krista zarah thlamuongin chawl v>ng ei tih.

006 - KHAWVEL LAWMNA ZAWNGA

1. Khawvel lawmna zawnga vanglaini hmang peiin,

Hmangai ditlai neiin Lal Krista i lo hnawl maw,

I hmangai chellai khan lawmna kim chuong naw ni,

Ch^wnb^na chelin aw i hringna an ch^n zing che.

Inngaituo la \halai aw i hmangai chellai kha,

Diebol thlemna a nih tawpnain nang rawi a che,

Thina lampui hrawa hun lawmum i nei s<ng hin;

Lawmna kim Lal krista’n hmangaiin a ngh^k zing che.

2. Ei hmelma ch>t dan hi hrietthiem a va \ul ngei,

Mit la taka hmua lungrila ch^knahai hi,

Thina thl^nkhur thima lut vatna lamtawi kha;

Hung m^ksan el ta rawh i hmangai i chellai kha.

3. Lalpa Biek-In s<ng hrim nghawk hlaktu hnuoi hringnun,

Vanglaia hmangaitu hmangai theilo hringnun kha,

Krista’n a thina chun suol anthawk an tlan che;

Ei hringna hrethiemin Lal ta di’n hring ei hun tah.

007 -HRINGNUN DANGCHARNA RAM

1. Hringnun dangcharna ram khawvel rinumah hin,

Hringnatui kan ngai che Lal Isu hung leng la,

Sietna thlipui hrangin i hmel a hlie ding chu,

Ka phal thei nawh i \hang naw chun nundan ka thiem thei nawh.

Ka kraws rinum putin Lalpa ka hung bel che,

I hnena thu puongin nundan min ch<k tir la,

Krista mawina silfen \uoi ni reng nei lo a;

Buoina ch$m ph^k loa nunthar ka neina di’n.

2. Ka hringnun tinreng ha’n tlinna reng nei lo a,

Jacob lampui hrawin buonin ka lo um a,

Ka hming \hatnahai po Lal remruotna hnuoiah;

Hmingsietna hnuoia chun ka Lal mawina hmel an lang hlak.

3. Ka kraws lampui hraw hi hlimum ding lo sawnin,

Lalpa tirko sietna thlipui hai hung hrangin,

Ka hringnun tawpna a Lal Krista hmelmawi chu;

Damna le lungawina hlimna famkim a lo ni si.

008 - KHAWVEL HRINGNUN RAMAH

1. Khawvel hringnun rama sandamtu hnungzui hi,

Hlimna reng a um nawh khawvel mihai ta di’n;

Sienkhawm Lal Krista hniekhnung chu a lo ni si,

Thlarau lawmna dinga Lalpa zawngsuok ram chu.

Chansiet le thlaph^ngna lungngai beidawnghaiin,

Tuorselna ei ngai ie Lal Krista nun ngei chu;

Damlai thlaler rinum lawma inchangtir a,

Krista hnena ringa a rawng bawl pei dingin.

2. Thlavaina lamtluongah ruol\ha reng nei lo a,

Kul puotieng pan puma mani inhnawlhai chun;

Thlamuongna hmu’ng an ta thlarau hringna thar leh,

Sandamtu zui peiin a rawng bawl pei an tih.

3. Demsiet  hrilsietna le lungngai beidawnghaiin,

Rinum le harsatnahai hung tlung  hlak sien khawm;

Krista lampui a nih Ama’n mi \huoi a ta,

Tuorselna thlarau chun min thuom thar pei a tih.

009 - AW LALPA MI EN TAM

1. Aw Lalpa mi en t^m i nunthar min hlan hi,

Suol kh^rdana umin hlimna ka nei ta nawh,

|awng\ai ch^ng khawma sungril inhawng loin;

Thlarau saltanghai hin santu kan ngai che.

Van thlarau thienghlim mi hung kan thar nawk la,

Thil dang po n>k khawma ka thlang lai che ang khan,

Kei tlinglo tak hin i rawng bawl pei dingin,

Kalvari hnenaah chun mi \huoi nawk rawh.

2. Bible tiem \awng\ai le inp^k hla sak ch^ng hin,

Hringnun \awl ka ni zie i min hriettir hlak a,

Nun hring le lawmna lampui ka hraw thiem nawh,

I hnena lampuiah chun mi \huoi nawk rawh.

3. Mimal ins<ng kohran khawtlang nun haia hin,

Lalna hung chang nawk di’n mi hung kan thar nawk la,

I kuom tlung ph^ka rimtui inhlan thei di’n,

I ropuina di’n Lalpa min thuom nawk rawh.

4. I mi kan thar sung hi a tawi ngei maw Lalpa,

Suol le thl>mna hnuoiah kan buoi nawk hlak si a,

Kan chatuon Lalpa kan theinghil hlak che hi,

I ngaidamna ngenin kan hung ko nawn che.

 010  - VAN KHAWPUI THAR EI NGAI

1. Van khawpui thar ei ngai famkimlo rama hin,

      |uoi ni um ngei a ta khawvel rinum ram hi;

      Ei lampui hraw lai hi inenchieng veng ei ta,

      Van ram tlungna lampui Krista ei hraw fuk am?

Lalpa zara ka ta hnena thu ropui chu,

Mithienghlim fe hai le hlimin lan tuok ei ta;

Suolna le thinahai mi tuom veltu hai hin,

Hmun chang ta naw ni hai Lalpa chengna ramah.

2. Tu ruok hin chu suol leiin chau ch^ng ni a tam,

      Ngaituona sungrilah Diebol inlal lemin;

      Nuomzawnga \huoi petin mani inngaithiemin,

      Hril ngamlo beidawngnan an mi tuom vel si a.

3. Khuolzin lampui hi chu hraw thiem an tak ngei maw,

     Lungtumlo suk le tung vawi le chang \um hai hi;

    Thlarau mita thlirin an lang fel pei si a,

     Krista hniekhnung a tam hringmi ditlo ramah.

011 - KUMHLUNLO DING

1. Kumhlunlo ding hnuoi rinum rama hin,

Beidawngna le harsatna nitin a zuol;

Van hringnun p^r suok dingin khawvelin a rem si nawh,

Ram \ha nawkzuola mi \huoitu di’n Lalpa tuok di’n inzo ei tiu.

Ringna mit inl>nin van khawpui ka hang thlir a;

Ka rochan Beramte Krista >nv>l rammawia chun,

Suolna le buoinahai po po bo t^ng a ta,

Lalpa hmun mi siemp>k ei chawl sawngna ding rama chun.

2. Inzo ve t^m van khawpui hluo dingin,

Buoina hunah ei chuongkai ve ta si a;

Suolna le buoina a zuol  Setan lalna rama hin,

A ram nina nei ta naw hai chun ram kumhlun ding zawng lem ei tih.

3. Lalpa ngei chu a nauhai \huoi dingin,

R<kru angin mi \huoihmang vawng t^ng a ta;

In\hena um t^ng a ta mi fel le fel nawhai,

Ringna leia mi felhai po chu l^khmangin um vawng t^ng an tih.

012 - KHAWVEL HRINGNUN SALTANGNA

1. Khawvel hringnun saltangna a min tlan suokin,

|huoitu Lalpa i hringnun ram i min hlan hi,

Sawlhai chawlna a nih Kanan ram chu;

Chu rammawi chu unau i tlung ve t^m?

Lalpa hne sa ringtuhai hringnunah chun,

Ch^nna leia lungril nat hai a um ta nawh,

Lal Isu chu hringnatui hn^r chu a nih,

A nuom phawtin hringnatui chu dawn raw se.

2. Mihriem varna le remhrietna tlawmna hmun a,

Ins<ng le kohrana mani thu ditna hai;

Mani \hatna suonga kal chawi loin,

A suong phawtin Lapa chu suong raw se.

3. Thlarau thienghlim mi \huoitu di’n ka ngai Lalpa,

Tisa thina thlarauin mi hung puong pek la,

Jacob anga ka hratna sukch^uin,

I rawng bawl di’n Lalpa mi hmang ve rawh.

4. Khawvel thil cho ena hringnun hmang zotu hai,

In hringnun hun tawizie kha hang ngaituo ve t<m;

Krista ta dinga ei hring theina di’n,

Lalpa thu ang peiin kal chawi ei tiu.

013 - PENSUOK EI TIU

1. Tiena Abraham Ur khuo anthawkin,

Kona rawl mawi chungtieng khin a hriet,

Ch>ngna hmuna lungawina  suoksanin,

Lalpa tiem ram tieng an pe suok tah.

Tho ro unauhai pensuok veng ei tiu,

Chi le kuong laibung sa-mang \he di’n,

Mani kraws puta rinum tuor huomin;

Lalpa ta dingin pensuok ei tiu.

2. Aw Kristien \halai ditum pensuok ro,

Khawvel inhawina ch>n ta loin,

In ta dingin Kalvari krawsah Krista’n,

Hmangaina biethu an hlan ta cheu.

3. Nu le pa \huoituhai pensuok ei tiu,

Thilpek hau \awng\aina ramthar l^k,

Taim^k ringumna ramthara cheng di’n,

Pensuok t^ng ei tiu Krista zuiin.

014 - CHUNG PATHIEN ZARA

1. Chung Pathien zara khawvel >ng hmu vein,

Ch<nnu \^ngnem b>la siel-ang hung seilienin,

Lalpa malsawm zara vanglaini hmang vein;

Siemtu chawimawiin hringnun ka hmang ve tah.

Unau inngei diela kut insuikhawm a,

Ch^wnb^n vawr ruola hmangaina a inpumkhatin aw;

Kristien \halaipawl vul zing sien la ka nuom ngei,

Chunghnung takah Pathien ropuiin um sien.

2. Lungruol taka \awng\aiin Lalpa ko ei ta,

Ei vanglai huna hin Lal thu phursuok dingin,

Khawvel ch^kna haiin mi thl>m hlak sien la khawm;

Kraws thina zarah hnena thu puong peiin.

3. Sandamna chang ringtu Krista kutsuok ei nih,

Chanchin\ha’n r^l doin Krista lungril putin,

Khawvel damna dinga Krista tuorna \awmin;

Rinum sien la khawm nunah phursuok dingin.

015 - VAN LAL NAU PIENGCHAMPHA

1. Van Lal nau piengchampha chu lawm dingin,

Beram-pu le khawsak mivar ha’n \uonzai an rel;

Vantirko hril ang takin Bethlehem bawng-In s<ngah,

Ranthl>nga ch<n rieng Mari chawin sam-ang a zal tah ie.

Lal thar lawm dingin \uon zai r>l v>ng ei tiu,

Lungril sungril phal taka Lal ngainatum lo lawmin;

A ng<r nun ienga runlum b>l lova ar-ang vai hi,

Lawm ei tiu sandam nauhai hin chatuonram min tluntu hi.

2. Van Lal nau pieng chibai b<k dingin,

I lungril sunga i ngaihlut robawmhai hawng la;

Lal dang tam tak peithlain hmun tlawm tieng chu hung pan la,

Chibai b<ka rohlu inhlanin Lal pieng chu lawm ei tiu.

3. Ei chengna khawvel hi hlun ding an nawh,

Inchikna hrillawk thuhai khawm a tlung zing an tah;

Khawvar tawm thil ri a tam chatuon khuo var a hnai tah,

Sandamna lawng Kristaa chuongin Lal pieng chu lawm ei tiu.

4. Hmangaina lei a nih sandamtu chu,

Rinum tuor le inngaitlawmin hringna an hlan tah;

Aw ka Lal mi hmangaitu keimaah thu hung nei la,

Lungril sunga thu nei kumkhuo di’n Lal di’n lawm t^ng ka che.