Download Hmar Hnamupon Logo

Hmar hnam hin puon (shawls) tam tak a nei a. Chuonghai chu mawi le nal tak tak, tulai thangtharhai chen khawmin lungril taka mawi an ti a tling a. Hang chei danglam met a, thuomhnaw design dang danga hang siem chun thuom (attire/costume/dress) tling tak tak a ni tawl. Amiruokchu, a neitu Hmarnauhai hin lainatna tak takin ei hnampuonhai hi ei la enkawl tawk naw a. Neitu nina khawm hau theilo khawp rakin ei ngaisak naw deu amanih chu aw ti dingin a um. Hieng kawnga hin thang lak a hun ta hle.

Ka thei ang tawkin Hmar hnam thil suklar a, ei sil le bil, thuom le parhai, a neitu tak ei nizie hi suklang ka tum hlak a. Internet khawvela khawm hin kawng tam takah hma lak ding a um a. Nasa nawkzuola ei sukdar hi a pawimaw hlein ka hriet. Tuta suklanga umhai hi, a ni ding ang takin a mawi zo naw khawmin, kawng tam takah Hmar hi neitu ei nina a suklang ngei ka beisei a. Hienganga social media, internet le thil dang danga suklang hi makmaw a ni ta a, mitinin mani hma zawn sengah hang har thar inla nuom a um. Ei hnam thilhai hi eini naw chu a mi hlutsak pektu ding an um naw a, ngainat nachang hrie dingin infuituo sau sau ei ngai a nih.